Raġel imħeġġeġ jinvesti t-tfaddil tiegħu fin-negozju ta’ Ryan Schembri qal fil-Qorti kif inizjalment kien għadda €500,000 fi flus kontanti wara li kien assigurat li l-familja Schembri kienu nies ta’ integrità. Kien xi żmien għall-ħabta ta’ Settembru 2013 meta Joseph Difesa iltaqa’ ma’ persuna familjari miegħu, li iżda ma kienx jaf b’ismu, madankollu kien jiltaqa’ fl-uffiċċju tal-konsulenti tiegħu dwar l-investimenti finanzjarji, Calamatta Cuschieri.
“Hu qalli li, dak iż-żmien, ma kien hemm xejn sew biex wieħed jinvesti imma semma lil Ryan Schembri u mexxini lejn il-bini tan-negozju tiegħu fil-Ħandaq,” beda jgħid Difesa, meta xehed kontra Schembri t-Tlieta. Schembri qed iwieġeb mhux ħati ta’ frodi u ħasil ta’ flus li huwa stmat li jlaħħaq għal għexieren ta’ miljuni ta’ ewro, wara li ġie arrestat fl-Iskozja u estradit lejn Malta biex jiffaċċja prosekuzzjoni wara li ħarab f’Settembru tal-2014.
Difesa kienet segwa dak is-suġġeriment billi mar il-Ħandaq għal verifika diretta fuq l-istruttura tan-negozju ta’ Schembri u kien pjuttost assigurat minn dak li sab. Is-segretarja ta’ Schembri poġġietu f’kuntatt mal-kap tagħha u rranġa laqgħa ma’ Difesa fil-villa mikrija tiegħu f’Birkirkara.
Dakinhar, osserva ħafna attività, bin-nies ġejjin u sejrin, jimmaniġġjaw files u affarijiet oħra. “Jidher li hawn negozju b’saħħtu,” kien ħaseb bejnu u bejn ruħu Difesa, u kien assigurat aktar meta Schembri spjega kif investituri privati fl-industrija tal-laħam tiegħu, kienu jafdawh bil-fondi tagħhom u jagħmlu qligħ fuq l-investiment tagħhom bis-saħħa tiegħu.
Meta Difesa esprima t-tħassib tiegħu dwar x’jiġri jekk xi ħaġa tmur ħażin, li tħalli impatt negattiv fuq in-negozju, Schembri kien ħareġ dokumenti tal-assigurazzjoni biex iserraħ moħħ l-investitur potenzjali tiegħu. “Imma setaʼ wrihomli ta’ taħt fuq peress li ma nafx naqra,” qal ix-xhud.
Wara li staqsa fuqu u qalulu li Schembri kien ġejnminn “familja tajba,” huwa ġibed €500,000 fi flus kontanti mingħand il-konsulent finanzjarju tiegħu u għadda l-flus lil Schembri għal terminu ta’ sena, bir-ritorni jiġu offruti kull xahar jew kull tliet xhur, jew kif miftiehem.
Imbagħad, għall-ħabta ta’ April 2014, meta ppreżenta wieħed miċ-ċekkijiet fil-Banif Bank, dan ġie miċħud u qallu biex ma jerġax lura b’ċekkijiet bħal dawn għax Schembri “ma kellux flus”. Għalhekk Difesa ċempel lin-negozjant innifsu u wara li qallu x’ġara, u ġie mistieden imur għandu direttament għall-flus kontanti.
Ċekkijiet mhux imsarrfa
“Hu ma argumentax,” qal Difesa, filwaqt li spjega kif kien jgħid lil Schembri biex jissarraf iċ-ċekkijiet kollha jew parzjalment skont il-bżonnijiet tiegħu. Iżda meta n-negozju ta’ Schembri faqqa’, huwa baqa’ f’idu b’“gozz” ta’ ċekkijiet mhux imsarrfa, liema ċekkijiet huwa ppreżenta fil-qorti bħala evidenza.
Fost dawn kien hemm ċekkijiet ta’ €16,000 u erbgħa oħra ta’ €27,000 kull wieħed. Meta mistoqsi għaliex baqa’ jaċċetta ċ-ċekkijiet wara li l-bank kien warrbu, Difesa qal li dejjem jista’ jieħu l-flus kontanti mingħand Schembri, filwaqt li rrimarka li ma kellux bżonn dawk il-fondi kollha f’idu dakinhar peress li kien jaqla’ l-għajxien tiegħu sew.
Barra minn hekk, żamm dawk iċ-ċekkijiet mhux imħallsa biex jinvesti fl-impriża “ġdida” mwiegħda ta’ Schembri, jiġifieri li jforni cruise liners b’laħam u prodotti oħra tal-ikel. Huwa kien investa US$1,015,000 fin-negozju ta’ Schembri, qal Difesa.
Qabel ma jgħaddi l-flus, kien mar il-Ħamrun ifittex lil missier Ryan biex jara li n-negozju kien ta’ min joqgħod fuqu. “Isma’, dan hu tajjeb? Jekk nitlef dawn il-flus nispiċċa nkellem lili nnifsi,” kien qal ix-xhud lil missier Ryan. “Ilna f’dan in-negozju għal tliet snin,” kien wieġeb ir-raġel b’mod rassikuranti.
Taħt kontro-eżami, ix-xhud irribatta l-argument tad-difiża li fil-fatt kien daħħal “ħafna ċekkijiet u ħafna flus”. “Kif ma hemmx ċekk wieħed li ġie riferut lura ‘back to drawer’,” staqsa l-avukat ta’ Schembri, Roberto Montalto. Difesa saħaq li huwa kien ipprova jissarraf dawk iċ-ċekkijiet darba biss fil-bank u wara li qallu biex “jmur lil hemm” kien ġab il-flus kontanti mingħand Schembri.
L-aħħar ħlas kien affettwat xi erba’ jew sitt xhur qabel ma n-negozjant għeb minn Malta, u ħalla warajh traċċi ta’ kredituri migduma. Schembri kien jgħid li kieku l-affarijiet imorru ħażin hu kien jirrifondi lill-kredituri tiegħu fi żmien sentejn.
Beka meta sar jaf li Ryan Schembri ħarab
“Ngħidlek kif bkejt meta ħarab” qal Difesa filwaqt li fakkar kif ftit qabel it-tmiem, Schembri kien talbu self żgħir. Ħassni ħażin u waqajt bil-qata li ħadt. Huwa għadda l-flus u qallu biex jiġborhom it-Tnejn ta’ wara, għeluq sninu. Donnok tiftakar kemm investejt imma ma tistax tiftakar kemm ħadt lura,” staqsa Montalto.
Ma kienx aktar minn €150,000 fuq sentejn, saħaq ix-xhud. Mistoqsi għaliex kien żamm iċ-ċekkijiet mhux imsarrfa għal daqshekk żmien, Difesa wieġeb, “Emmint fil-proġett tiegħu… Għadni qed nistenna.” Il-każ, ippresedut mill-maġistrat Donatella Frendo Dimech, ikompli f’Lulju. L-avukati tal-AĠ Karl Muscat u Francesco Refalo assistew lill-Ispettur tal- Anthony Scerri L-avukat José Herrera assista lil Difesa. u l-Avukat Ian Vella Galea deher ukoll parte civile.
