Inkjesta maġisterjali dwar allegazzjonijiet ta’ reati finanzjarji fil-Bank Pilatus sabet li seta’ kien hemm kummerċ ta’ influwenza (trading in influence) bejn dak li kien Chairman tal-bank Ali Sadr u l-eks chief of staff fl-OPM Keith Schembri, sostniet l-NGO Repubblika f’dokumenti tal-qorti.
Il-grupp mis-soċjetà ċivili ressaq rikors fejn talab lill-qrati biex jordnaw lill-Kummissarju tal-Pulizija jipproċedi kontra Pilatus Bank wara li ġiet konkluża inkjesta maġisterjali li sabet provi ta’ ħasil ta’ flus u assoċjazzjoni kriminali, fost reati oħra.
Rapporti kienu ndikaw li fl-2016, Ali Sadr kien ilmenta ma’ Keith Schembri dwar “l-allegazzjonijiet żbaljati” tal-FIAU dwar kontroll laxki tal-ħasil tal-flus fil-Pilatus. Il-President ta’ Repubblika Robert Aquilina ħabbar dawn id-dettalji fuq l-azzjoni meħuda fil-qorti.
Ir-rikors fil-Qorti, iffirmat mill-avukat Jason Azzopardi, ir-Repubblika qalet li l-konklużjoni tal-inkjesta maġisterjali, li kopja tagħha kienet ingħatat lill-pulizija s-sena l-oħra, kienet sabet provi ta’ attività kriminali u reati oħra, fosthom ħasil ta’ flus, trading in influence, assoċjazzjoni kriminali, dikjarazzjonijiet foloz lill-awtoritajiet pubbliċi, u organiżazzjoni jew finanzjament tal-grupp bl-intenzjoni li jiwettaq reat.
Dawn l-atti kriminali saru permezz tal-Pilatus Bank u d-diversi diretturi u uffiċjali tiegħu, bil-kompliċità ta’ Keith Schembri u s-sid tal-bank Ali Sadr Hasheminejad. Ir-rikors jgħid ukoll li l-inkjesta kienet ordnat li jiġu ppreżentati akkużi kontra l-uffiċjali tal-Bank Pilatus Mehmet Tasli, Rivera Luis Felipe, Ali Sadr Hasheminejad, Ghambari Hamidreza u Antoniella Gauci.
Barra minn hekk, tgħid l-applikazzjoni, l-inkjesta kienet sabet ukoll biżżejjed evidenza li Sadr u Schembri kienu qed jinnegozjaw. “Issa li għaddew aktar minn 15-il xahar minn meta l-Kummissarju tal-Pulizija u l-Avukat Ġenerali ġew ordnati mill-Maġistrat inkwirenti biex jipproċedu fil-konfont tal-individwi msemmija qabel fuq akkużi serji ħafna, mhux biss naqsu milli jaġixxu iżda effettivament irrifjutaw li jressqu dawn l-individwi, ”jgħid ir-rikors.
Wara li kitbet darbtejn lill-Kummissarju tal-Pulizija Angelo Gafa, talbet biex jibda proċeduri kontra dawn l-individwi darbtejn u ġiet injorata, l-NGO qalet li l-Kummissarju kien qed jinjora l-eżitu tal-inkjesta u qed jirrifjuta li jimxi mal-ordnijiet tagħha.
Bħala tali kienet irrikorret għal azzjoni legali, talbet lill-qorti tordna lill-Kummissarju tal-Pulizija biex ikompli bil-proċeduri kriminali kif kien ordnat mill-Maġistrat inkwerenti. Fl-inkjesta dwar allegata attività kriminali fil-Bank Pilatus li issa ngħalqu nqabdu madwar 400,000 dokument, eżerċizzju li sewa lit-tax payer madwar €7.5 miljun. Il-Bank Pilatus u l-eks uffiċjal għolja Claude-Anne Sant Fournier ġew mixlija b’ħasil ta’ flus f’Settembru li għadda.
