Albaniż ta’ 29 sena residenti Rabat Għawdex sofra minn ġrieħi gravi wara li ħabat ma’ vann fi Triq San Anard, ir-Rabat, Għawdex għal ħabta tas-13:45.
Minn stħarriġ preliminari li sar irriżulta li seħħet ħabta bejn vann misjuq minn raġel ta’ 65 sena residenti l-Fontana Għawdex, u mutur misjuq mill-vittma.
Ix-xufier tal-mutur ingħata l-għajnuna minn tim mediku, ittieħed l-Isptar Ġenerali t’Għawdex b’ambulanza u ġie ċċertifikat li sofra ġrieħi gravi.
L-investigazzjonijiet mill-Pulizija għadhom għaddejjin.
