It-Tlieta ntlagħbet it-12-il ġurnata u l-bidu tat-tieni rawnd fl-Ewwel Diviżjoni fejn Għaxaq, Żebbuġ u Msida baqgħu jżommu l-ewwel post tal-klassifika b’10 punti kull wieħed.
Il-logħba tal-ġurnata kienet dik bejn St Peter’s Żabbar u t-tim ta’ Qormi San Bastjan bil-Bastjaniżi joħorġu rebbieħa 21 bi 15 biex b’hekk żammew it-tamiet tagħhom ħajjin u jinsabu punt taħt Buġibba u l-istess St. Peters Żabbar.
Għaxaq rebħu lil Żurrieq 21 b’9 ġewwa darhom filwaqt li Msida barra minn darhom għelbu lil Żabbar 21 b’0. Buġibba u Lija ingħataw rebħa ta’ 21 ma 0 kontra t-timijiet ta’ Isla u Paola Schreiber.
Żebbuġ mingħajr wisq tbatija għelbu barra minn darhom lit-tim ta’ Marsamxetto 21 b’6.
Il-klassifika taqra hekk:
Klassifika | L | P |
Msida | 12 | 10 |
Żebbuġ | 12 | 10 |
Għaxaq | 12 | 10 |
Buġibba | 12 | 8 |
St. Peters Żabbar | 12 | 8 |
Qormi San Bastjan | 12 | 7 |
Żurrieq | 12 | 6 |
Lija | 12 | 5 |
Żabbar | 12 | 4 |
Marsamxett | 12 | 3 |
*Isla uPaola Schreiber mhux se jkomplu jieħdu sehem u ġew relegati għat-Tielet Diviżjoni
Il-Kampjonat tat-Tieni u t-Tielet Diviżjoni jkompli għada l-Ħamis 30 ta’ Ġunju.