Wara li anzjan residenti f’San Vincenz De Paul kien irrappurtat nieqes matul il-jum tat-Tlieta, infetħet investigazzjoni interna sabiex ikun stabbilit x’wassal għal dan.
L-amministrazzjoni ta’ San Vinċenz De Paul irrappurtat lill-awtoritajiet konċernati li l-anzjan, Karmenu Fino, kien nieqes u b’hekk setgħu jibdew it-tfittxija minnufih.
Il-ministeru kien ukoll infurmat b’dan l-iżvilupp mill-amministrazzjoni ta’ San Vinċenz u filwaqt li t-tfittxijiet jinsabu għaddejjin, il-Ministru għall-Anzjanita Attivi Jo Etienne Abela ordna li dan il-każ ikun mistħarreġ biex wieħed jistabbilixxi l-fatti u jekk ikun hemm il-ħtieġa jsiru wkoll rakkomandazzjonijiet.
Din l-investigazzjoni interna se titmexxa mill-Imħallef irtirat Geoffrey Valenzia.
//= $special ?>