Artiklu: Stewart Said
Konfront mill-ewwel dirett fl-ewwel fażi tan-knock-out tal-Kampjonat Premier wara li lbieraħ filgħaxija telgħu l-poloz tan-knock-out fil-Pixxina Nazzjonali f’Tal-Qroqq.
San Ġiljan JP Projects telgħu biex jilagħbu kontra l-isfidanti l-oħra għar-rebħ tal-unuri Sliema Frank Salt, bir-rebbieħ jiltaqa’ kontra Sirens Mecca Marine fis-semifinali. Fit-triq l-oħra lejn il-finali, Exiles telgħu kontra Neptunes Videoslots, bir-rebbieħ jilgħab kontra Birżebbuġa Freeport fis-semifinali.
Fl-Ewwel Diviżjoni, possibbiltà li ż-żewġ sfidanti għar-rebħ tal-kampjonat jiġifieri Valletta Izibet u Marsaskala Fish and Fish, jiltaqgħu fil-finali. Dan għaliex it-tnejn telgħu fis-semifinali dirett. Il-Beltin jistennew ir-rebbieħ bejn Barracudas u Ta’ Xbiex Amigos filwaqt li Marsaskala jilagħbu kontra r-rebbieħ bejn Otters Nivea u Marsaxlokk Brown’s.
Min-knock-out tan-nisa, San Ġiljan OZO se jilagħbu fis-semifinali kontra Sirens R Cauchi Enterprises u fis-semifinali l-oħra, Marsaskala Fish and Fish jilagħbu kontra Sliema Arkadia.
Knock-out tal-Kampjonat Premier
Kwarti tal-finali
L-Erbgħa 6 ta’ Lulju
San Ġiljan v Sliema 6.30pm
Exiles v Neptunes 7.35pm
Knock-out tal-I Diviżjoni
Kwarti tal-finali
It-Tlieta 5 ta’ Lulju
Barracudas v Ta’ Xbiex 6.30pm
Otters v Marsaxlokk 7.35pm
Knock-out tan-nisa
Semifinali
Il-Ħadd 24 ta’ Lulju
San Ġiljan v Sirens 8.30am
Marsaskala v Sliema 9.35am
