Il-Gvern mhux lest li jtejjeb is-sitwazzjoni – Il-Pulizija ordnati ma joqgħodux mal-barriers waqt il-festi
Bi strateġija tal-Gvern li ma hi qed twassal għal imkien, is-sitwazzjoni fi ħdan il-Korp tal-Pulizija qatt ma kienet daqshekk iddisprata.
Sostniet dan il-Malta Police Union fi stqarrija fejn ħabbret aktar direttivi lill-membri tagħha.
L-MPU saħqet li tinsab iddiżappuntata ferm li l-Gvern mhux lest li jtejjeb is-sitwazzjoni filwaqt li insistiet li fl-aħħar 18-il xahar telqu mill-Korp ‘il fuq minn 300 uffiċjal.
Għaldaqstant l-Union spjegat li mis-6 ta’ filgħodu tal-Ġimgħa l-1 ta’ Lulju, apparti d-direttivi diġa mħabbra l-membri tagħha jridu jsegwu dawn id-direttivi segwenti.
- Jilbsu l-baseball cap tal-Pulizija
- Jilbsu t-T-shirt tal-Pulizija għad-dmirijiet kollha minbarra dawk tal-Qorti u Tribunal – flimkien ma’ tag ta identifikazzjoni.
- Ma jagħmlux fixed duties mal-barriers fil-festi u avvenimenti oħra.
- Jaċċettaw biss rapporti li jseħħu fid-distrett fejn ikunu xogħol huma.
- F’każi ta’ dixxiplina interna, meta mitkellma mill-Professional Standards, ma jwieġbu għall-ebda domanda.
- Ma jagħtux statements meta mitluba mis-superjuri tagħhom, minbarra meta dawn il-fatti jkunu jridu jitniżżlu fir-rapporti tal-NPS.
- Ma jiġbru ebda applikazzjoni li għandha x’taqsam ma’ Servizz.gov.
- Ma jiċċarġjawx bid-dawl tagħmir tal-Pulizija fid-djar tagħhom; bħal radjijiet u mowbajls.
- Meta jispiċċaw mix-xogħol ma jwieġbu għall-ebda email jew messaġġ fuq Facebook b’rabta ma xogħol…jekk ma jitħalsux tagħhom.
- Ma jiċċekkjawx rapporti online, u ma jdaħħlux rapporti li jkunu rċevew permezz ta’ e-mail.
- Jinjoraw għal kollox talbiet ta’ kwota taċ-ċitazzjonijiet mis-superjuri tagħhom.
L-MPU insistiet li l-uffiċjali tal-Pulizija m’humiex robots li jitħadmu fuq excel sheet – “L-uffiċjali tal-Pulizija huma umani wkoll”
//= $special ?>