Libjan ta’ 43 sena li m’għandux residenza fissa f’Malta, ġie kkundannat sitt xhur ħabs sospiżi għal sena wara li ammetta li hedded żewġ uffiċjali tal-Pulizija u li wettaq ħsara volontarja fuq vettura tas-servizz. Al Gethafi Egrad li deher fil-Qorti b’punti ma wiċċu u idu u demm mal-qalziet, wieġeb ħati tal-akkużi miġjuba kontrih. Dan kollu seħħ nhar il-Ħamis li għadda ġewwa tas-Sliema fit-8.30pm.
Mill-provi ħareġ li bdiet ġlieda fil-bajja ta’ taħt il-Fortizza fejn fuq il-post marru l-membri tal-RIU. Fil-Qorti il-Libjan ammetta wkoll li kien fis-sakra u għalhekk ma kienx kapaċi jieħu ħsieb tiegħu nniffsu, li hedded liż-żewġ kuntistabbli bil-ħsieb li jbeżżagħhom u għalhekk ma jaqdux dmirhom, li kiser il-paċi pubblika, li mbotta mara
Il-Pulizija qalet li meta marru fuq il-post, raw lill-akkużat fuq il-bajja waħdu fi stat xurban u dawn talbuh għad-dokumenti. Kien hawn li t-ton tiegħu nbidel u xħin daħluh fil-karozza tal-Pulizija beda jsabbat rasu mal-perspex u jsabbat saqajh bis-saħħa mal-bieba.
Il-Prosekuzzjoni qalet quddiem il-Maġistrat Monica Vella li fil-karozza Egrad baqa’ jitkellem ħażin, jidgħi u jgħajjar lill-Pulizija. Fl-awla ġie spjegat ukoll kif il-Libjan kellu jittieħed l-Isptar Mater Dei b’ambulanza minħabba l-ġrieħi li sofra. Ingħad ukoll li meta l-Libjant ittieħed fil-lockup tal-Pulizija għall-interrogazzjoni, filwaqt li kkopera bis-sħiħ, huwa qal li ma jiftakarx x’ġara u ma ġarax minħabba l-istat li kien fih.
U anke skuża ruħu dwar dak li seħħ u spjega li għandu problemi personali u qed jispiċċa ifittex ix-xorb. L-Avukat tal-Għajnuna Legali Charmaine Cherrett qalet li l-imputat, li għandu kondotta netta u impjieg fiss, u li lest li jagħmel tajjeb għall-ħsara li wettaq fil-karozza tal-Pulizija.
Fis-sentenza tagħha l-Qorti ħadet inkonsiderazzjoni l-ammissjoni bikrija tal-imputat u ordnatlu jħallas €400 f’danni għall-ħsara li għamel. Hija poġġiet lil-Libjan taħt ordni ta’ superviżjoni minħabba l-problema tax-xorb. Il-Prosekuzzjonin tmexxiet mill-Ispettur Jean Paul Attard u li għal Libjan deheret l-Avukat Charmaine Cherrett.
//= $special ?>