Mill-inqas 6 persuni tilfu ħajjithom wara li ilbieraħ ċediet massa ta’ silġ fl-Alpi Taljani, fiz-zona tad-Dolomiti.
Fl-istess valanga tas-silġ weġġgħu 9 persuni filwaqt li 20 għadhom nieqsa.
L-awtoritajiet tal-emerġenza fir-Reġjun tat-Trento bdew it-tfitxija ilbieraħ u komplew matul il-lejl. Michela Canova, kelliema għas-servizzi tal-emerġenza, qalet li “massa silġ kienet waqgħet fuq passaġġ fejn kien hemm xi gruppi ta’ turisti, b’uħud jinġarru mill-valanga”.
S’issa għadu mhux ċar x’kienet il-kawża ta’ dan id-diżastru. Pero’ kelliem ghas-servizzi tas-salvataġġ qal li kienu qed jesperjanzaw “temperaturi għoljin aktar mis-soltu.”
Renato Colucci, li hu speċjalist tal-glaciers, qal li dan il-fenomenu żgur li se jerġa jiġri minħabba t-temperaturi għoljin.
//= $special ?>