Akkużi serjissimi fil-konfront tal-kumpanija Uber u kif dawn użaw kuntatti ma’ politici u Pulizija biex jieħdu f’idejhom parti kbira tas-suq Ewropew.
Dan joħroġ minn leak bla precedent ta’ dokumenti u messaġġi b’Whatsapp illi waslu għand il-gazzetta Brittannika The Guardian; leak magħruf bhala Uber Files.
Dan il-leak ikopri l-4 snin li fihom Uber kienet immexxija minn Travis Kalanick. U hawn, joħroġ biċ-ċar l-influwenza li kellhom fuq politiċi bħal Emanuel Macron u Joe Biden. Dan apparti l-influwenza qawwija fil-kurituri tal-istituzzjonijiet Ewropej.
Din l-informazzjoni li ppubblika The Guardian kienet riżultat ta’ ħidma twila mill-Konsorzju Internazzjonali tal-Ġurnalisti Investigattivi. U wara li ħarġet l-istorja, Uber mal-ewwel ammettew li fis-snin passati saru żbalji, u li mill-2017 il-kumpanija inbidlet, u tinsab f’idejn tmexxija ġdida.
