Fir-Renju Unit illum tibda l-ġirja għal min se jkun Prim Ministru ġdid, u min se jieħu post Boris Johnson fit-tmexxija tal-Partit Konservattiv.
Il-votazzjoni f’din il-fazi se tinvolvi lid-deputati tat-Tories, u tiftah fis-2:30pm ħin ta’ Malta. Il-votazzjoni tagħlaq fis-6 tal-lejla.
B’kollox hemm tminn ismijiet li resqu ‘l quddiem biex jiehdu post Johnson, u f’dan ir-round huma jkollhom bzonn minimu ta’ 30 vot biex jibqgħu fit-tiġrija.
Eventwalment, il-kandidati iridu jitnaqqsu għal tnejn – bil-160,000 membru tal-Partit Konservattiv jivvutaw f’elezzjoni oħra fil-bidu ta’ Settembru.
Intant, l-eks Ministru tas-Saħħa Sajid Javid kellu jirtira minn din it-tellieqa wara li ma kellux l-appoġġ ta’ mill-inqas 20 deputat biex idaħħal in-nomina tiegħu.
