Raġel sofra ġrieħi gravi wara inċident waqt li kien qed jaħdem b’chaser f’sular li jinsab taħt kostruzzjoni f’razzett fi Sqaq il-Kalkara, Ħad-Dingli. Il-każ seħħ l-Erbgħa, għall-ħabta tas-siegħa u nofs ta’ waranofsinhar.
Il-Pulizija marret minnufih fuq il-post u minn stħarriġ preliminari rriżulta li raġel ta’ 67 sena residenti Ħad-Dingli, kien qiegħed jaħdem b’chaser f’sular li jinsab taħt kostruzzjoni u weġġa’ idejh.
Ir-raġel ingħata l-għajnuna minn tim mediku, ittieħed l-Isptar Mater Dei b’ambulanza u ġie ċċertifikat li sofra ġrieħi gravi.
L-investigazzjonijiet mill-Pulizija għadhom għaddejjin.
