Fl-aħħar 24 siegħa mietu żewġ persuni oħra bil-Covid-19 biex l-ammont ta’ mwiet li kkawżat il-pandemija tela’ għal 780. Fl-aħħar sitt ijiem pajjiżna ra 12-il vittma tal-imxija.
Bejn l-Erbgħa u l-Ħamis instabu 204 każi ġodda tal-Coronavirus filwaqt li fl-aħħar sigħat fiequ 645 persuna. In-numru ta’ każijiet attivi issa huwa dak ta’ 4,785.
L-ebda informazzjoni oħra m’hi qed tingħata mill-Awtoritajiet tas-Saħħa, fosthom l-etajiet tal-vittmi u l-ammont ta’ pazjenti fl-Isptar Mater Dei.
