Ħaddiem ta’ 36 sena residenti r-Rabat, Għawdex waqa’ għoli ta’ madwar sular u sofra ġrieħi gravi wara li ċediet injama li kien qiegħed jaħdem fuqha.
L-inċident seħħ ilbieraħ, għall-ħabta tal-5pm, f’sit ta’ kostruzzjoni fi Triq ta’ Xagħman, f’Ta’ Sannat, Għawdex.
Ir-raġel ingħata l-għajnuna minn tim mediku u ttieħed l-Isptar Ġenerali t’Għawdex b’ambulanza.
L-investigazzjonijiet mill-Pulizija għadhom għaddejjin.
