Fis-sigħat li ġejjin, il-klabb tal-Premier League Ingliż, West Ham United mistennija jħabbru u jippreżentaw b’mod uffiċjali l-akkwist il-ġdid tagħhom, l-attakkant internazzjonali Taljan, Gianluca Scamacca. Skont rapporti fil-media Brittanika, il-Hammers se jkunu qed iħalsu s-somma ta’ 30.5 miljun lira sterlina lil Sassuolo, biex jakkwistaw lill-iskorer prolifiku ta’ 23 sena.
L-istaġun li għadda, Scamacca skorja 16-il f’36 partita tas-Serie A fl-Italja. Sal-llum, Scamacca lagħab seba’ darbiet mat-tim nazzjonali Taljan, iżda għadu jrid jiskorja l-ewwel gowl tiegħu mal-Ażżuri.
