Matul il-ġurnata tas-Sibt, Barcelona ħabbru b’mod uffiċjali l-akkwist ta’ plejer ieħor ġdid, din id-darba tal-midfielder offensiv ta’ 17-il sena, Unai Hernandez mingħand Girona. Hernandez hu meqjus bħala wieħed mit-talenti ‘l kbar tal-futbol Spanjol, u matul l-istaġun li għadda hu kellu d-debutt tiegħu fil-Liga Spanjola ma’ Girona.
Hernandez mistenni jifforma parti mill-iskwadra ta’ taħt id-19-il sena ta’ Barcelona, iżda jifforma parti mill-pjan li għandu f’moħħu l-kowċ Spanjol tal-Katalani, Xavi.
