“L-attakk mil-armata Russa fuq il-port ta’ Odesa, ma huwa xejn ħlief att barbaru”
Hekk saħaq il-President tal-Ukrajna Volodymyr Zelensky, meta ġie mistoqsi biex jagħti l-kummenti tiegħu rigward l-attakk riċenti li seħħ fuq il-port ta’ Odesa mill-armata Russa, wara li ftit tas-sigħat qabel, l-istess Russja wegħdet li se tħalli l-bastimenti kummerċjali jitrassportaw il-qamħ lejn pajjiżi terzi.
Zelensky saħaq li dawn l-attakki fuq Odesa wrew biċ-ċar li r-Russja ma’ tistax tiġi fdata – għaliex filli tgħid ħaga, u wara tagħmel bil-kontra.
S’issa r-Russja għadha ma’ ħadet l-ebda responsabbilta għall-attakki. U saħansitra qiegħda tiddikjara li l-Ukrajna nfissha wetqet dan l-attakk fuq il-port tagħha stess, bl-għan li tħammeġ isem ir-Russja fuq skala internazzjonali.
