Alex Perici Calscione ġie elett Viċi Kap tal-Partit Nazzjonalista b’90% tal-voti.
Ftit tal-ħin ilu, Peter Fenech, Chairperson tal-Kummissjoni Elettorali, Rekords u Data tal-Partit Nazzjonalista, iddeskrikva l-vot bħala wieħed qawwi favur Perici Calascione.
Fil-fatt, Perici Calascione ġab 976 vot favur, filwaqt li kienu 104 dawk li vvutaw kontra. Il-voti validi kienu 1,078.
Perici Calascione issa se jkun qed jgħin lill-Kap tal-Partit Nazzjonalista Bernard Grech fit-tmexxija tal-Partit.
Dan filwaqt li tintemm il-kariga ta’ Viċi Kapijiet ta’ David Agius u Robert Arrigo.
Alex Perici Calascione se jkun l-uniku Viċi Kap tal-PN wara li sentejn ilu sar tibdil fl-istatut tal-Partit f’dan is-sens.
