L-aħħar diskors ta’ Robert Arrigo bħala Viċi Kap tal-PN kien wieħed imqanqal immens.
“F’xahar inbidlet ħajti. Imma ridt inkun hawn għax ridt ngħidilkom grazzi, kollha”. Hekk fetaħ id-diskors tiegħu, li kompla billi qal li ddeskriva l-esperjenza tiegħu bħala Viċi Kap bħala waħda sabiħa ferm.
“Qatt ma bsart li stajt inkun ta’ servizz hekk”.
Robert Arrigo tkellem dwar is-suċċessi tiegħu fil-politika, fosthom kif ġie elett dejjem minn żewġ distretti, u dejjem b’vot b’saħtu.
Hu tkellem ukoll dwar l-uġigħ li ġieli ġabet magħha l-mixja politika tiegħu, u qal li hemm lezzjonijiet li l-Pariti irid ikun kapaċi jinbidel fejn hemm bżonn biex jimxi ‘l quddiem.
Arrigo qal li hu baqa’ dejjem jiġbor il-flus għall-Partit għax ħass li hekk kien jistħoqlu.
Hu għadda battuta wkoll lil Alex Perici Calascione li kien għadu kif ġie elett Viċi Kap tal-PN b’vot akbar minn dak li kien kiseb hu stess.
Robert Arrigo qal lil Perici Calascione biex jibqa’ r-raġel li hu fil-ħidma tiegħu bħala Viċi Kap.
Hu qal li l-Partit irid jara li jbiddel dak li mhux jaħdem biex jerġa’ jiġi fuq saqajh.
Fl-għeluq tiegħu, Arrigo għal darboħra rringrazzja lil kulħadd.
