Fil-finali f’Andorra Malta tilfet kontra Georgia 37-61. B’dan ir-riżultat Malta kisbet il-midalja tal-fidda f’finali dominata għal ħinijiet twal mill-avversarji li rebħu s-sessjonijiet kollha. Wara li fl-ewwel sessjoni dominju assolut minn Georgia li fetħu vantaġġ ta’ 18-6 fit-tieni sessjoni t-tim Malti kien aktar fil-partita biex sal-mistrieħ l-iskor kien 16-28. L-andament matul it-tielet sessjoni baqa’ l-istess b’dominju minn Georgia li fetħu vantaġġ ta’ għoxrin punt 26-46 liema vantaġġ kiber fl-aħħar sessjoni b’Georgia jirbħu 37-61.
Danika Galea kienet inkluża fl-All-Star Five tat-tournament b’medja ta’18.8 punti, 9.3 rebounds u 2.0 blocks kull logħba.
