Għall-ħabta tas-1:30pm, karozza li kienet għaddejja minn Triq Sqaq Lourdes, f’San Ġiljan ħadet in-nar b’riżultat li żewġ toroq kellhom jingħalqu.
Dan hekk kif in-nar infirex tul żewġ toroq wara li fjuwil mill-karozza tat-tip Citroen ħareġ minnha u beda jinxtered mat-triq.
Fuq il-post issejħet l-assistenza ta’ membri tal-Protezzjoni Ċivili biex jassistu.
Mhux magħruf x’wassal biex din il-karozza tieħu n-nar.
Fortunatament, jidher li ħadd ma sofra minn xi feriti.
