Rumena ta’ 34 sena residenti l-Imqabba weġġgħet gravi wara li waqgħet minn fuq il-mutur li kienet qed issuq għall-ħabta tas-siegħa u nofs ta’ filgħodu fi Triq Tul il-Kosta, in-Naxxar.
Mill-ewwel stħarriġ irriżulta li l-vittma tilfet il-kontroll tal-mutur li kienet qiegħda ssuq, tat-tip Yamaha, u waqgħet.
Aktar tard hi ttieħdet l-Isptar Mater Dei fejn ġiet iċċertifikata li weġġgħet gravi. Il-Pulizija għaddejja bl-investigazzjonijiet fuq il-każ.
