Pollakk ta’ 27 sena ttajjar minn karozza waqt ġlieda f’San Ġwann.
Ir-raġel spiċċa l-isptar wara li lbieraħ filgħaxija għall-ħabta tad-9.30pm kellu argument ma’ żewġ persuni.
L-argument seħħ fi Triq il-Gallina, San Ġwann.
Malli saru jafu bil-ġlieda, il-Pulizija marru fil-post fejn mill-ewwel stħarriġ irriżulta li l-Pollakk kien involut fi ġlieda ma’ żewġ persuni li kienu laħqu ħarbu bir-Renault Zoe li allegatament tajruh biha.
L-identità taż-żewġ allegati aggressuri għadha mhix magħrufa.
Fil-post tal-inċident wasal ukoll tim mediku u ambulanza li ħadet lir-raġel l-isptar Mater Dei fejn hemmhekk ġie ċċertifikat li weġġa’ gravi.
L-investigazzjonijiet tal-Pulizija għadhom għaddejjin.
//= $special ?>