Raġel Serb li joqgħod il-Gżira u li jaħdem f’Malta bħala delivery man ammetta li kiser imnieħer is-sieħba tiegħu.
Il-każ seħħ fit-13 ta’ Awwissu, hekk kif ir-relazzjoni bejn il-kopja marret għall-agħar – aggressjoni li seħħet fir-residenza tal-mara, fil-Qrendi.
Id-difiża qalet li l-akkużat, Sava Rajakav ta’ 27 sena, mill-ewwel ammetta u irrealizza li dak li għamel kien ħażin. Tant li wara anke iddispjaċih.
Il-prosekuzzjoni mmexxija mill-Ispettur Sherona Buhagiar qalet li l-akkużat ikkopera mal-Pulizija, iżda fiċ-ċirkostanzi talbet li jingħata sentenza effettiva ta’ priġunerija.
Is-sentenza ser tingħata fil-5 ta’ Settembru li ġej.
Il-każ instema’ quddiem il-Maġistrat Astrid May Grima.
