Lokali

BIR-RITRATTI: Il-Pulizija msejħa fil-Ħamrun wara ġlieda bejn grupp ta’ Sirjani; intużat sikkina

Numru ta’ Pulizija issejħu fil-Ħamrun wara argument li eskala fi Triq il-Kbira San Ġużepp, in-naħa tal-għassa. Fil-post waslu units tal-RIU kif ukoll Pulizija tad-Distrett. Dan filwaqt li ssejħet ukoll ambulanza.

Net News jinsab infurmat li fl-argument kienu involuti numru ta’ persuni. Dan filwaqt li intużat ukoll sikkina.

Sorsi qalulna li kienu tnejn il-presuni li spiċċaw feruti fil-ġlieda. Wieħed minnhom, ingħata assistenza medika fil-post.

Jidher li l-argument faqqa’ bejn grupp ta’ Sirjani.

Il-Pulizija żammew xi persuni għall-interrogazzjoni.