L-aktar żewġ esperti tat-temp fl-Ungerija spiċċaw tkeċċew minn xogħlhom wara li għamlu tbassir ħażin tat-temp…li wassal għal kriżi politika fil-pajjiż.
Dan hekk kif matul il-jum tas-Sibt f’okkażżjoni għal festa ta’ San Stiefnu suppost kellha tiġi organizzata l-akbar wirja tal-logħob tan-nar fl-Ewropa…madanakollu seba’ sigħat qabel l-avveniment…il-gvern ħabbar il-posponiment taċ-ċelebrazzjonijiet minħabba li kien qed jiġi mbassar maltempata qawwija ħafna.
Madanakollu…it-temp baqa’ kalm – bil-konsegwenza li spiċċaw tkeċċew il-Kap u l-Viċi Kap fl-Uffiċċju Meteoroloġiku.
Matul din l-attività, li ġiet posposta għal ġimgħa ta’ wara, jinħarqu madwar 40,000 murtal minn 240 żona differenti fuq mhedda ta’ 5 kilometri fuq ix-Xmara Danubju fil-qalba ta’ Budapest.
Jidher li minkejja li kollox kien qed jindika li kien ġej il-maltemp…fl-aħħar mumenti dar ir-riħ u l-Belt Kapitali Ungeriża spiċċat ħelset il-maltempata qalila.
