Jay Vine tal-Awstralja għal Alpecin rebaħ is-sitt stadju tat-Tour ta’ Spanja La Vuelta f’tellieq diffiċli fejn iċ-ċpar u x-xita lagħbu parti importanti. Huwa temm ir-rotta ta’ 181.2 kilometri minn Bilbao sa Asension al Pico Jano f’San Miguel de Aguayo f’4 sigħat 38 minuta b’distakk vantaġġ ta’ 15 il-sekonda minn Remco Evenepoel tal-Belġju ta’ Quick Step Alpha Vinyl.
Fit-tielet post temm l-Ispanjol Enric Mas ta’ Team Movistar qabel Juan Ayuso Pesquera ta’ Spanja għal Team Emirates u s-Sloven Primoz Roglic għal Jumbo Visma. Fil-klassifika ġenerali wara r-riżultat tas-sitt stadju fl-ewwel post tela’ l-Belġjan Remco Evenepoel b’total ta’ 20 siegħa 50 minuta u 7 sekondi b’distakk ta’ 21 sekonda mill-Franċiż Rudy Molard li kien fl-ewwel post sal-ħames stadju u Eric Mas ta’ Movistar b’distakk minn Evenepoel ta’ 28 sekonda.
