Tliet psikjatri li xehdu fil-Qorti waqt il-kumpilazzjoni ta’ Abner Aquilina ta’ 20 sena mixli bil-qtil ta’ studenta f’Tas-Sliema li huwa mhux biss ried ikollu x’jaqsam sesswalment ma’ mara, imma ried jagħmel dan meta hija tkun katavru. Dan ħareġ meta quddiem il-Maġistrat Marse-Ann Farrugia kompliet il-kumpilazzjoni taż-żagħżugħ Abner Aquilina miż-Żejtun akkużat li qatel u stupra studenta Pollakka f’Tas-Sliema.
Abner Aquilina kien tqies mentalment mhux tajjeb biex jidher għas-seduti preċedenti iżda hu kien preżenti meta l-Ġimgħa filgħodu kompla l-każ. Fl-aħħar seduta, il-Qorti kienet semgħet li Aquilina kien stqarr mal-pulizija li l-ewwel qatel, imbagħad stupra lill-istudenta Paulina Dembska u li Satana kien qed jgħidlu biex “joqtol aktar nies”. Huwa iżda qed jiċħad l-akkużi kollha kontrih.
Il-katavru taż-żagħżugħa ta’ 29 sena kien instab fil-Ġonna tal-Indipendenza kmieni fit-2 ta’ Jannar. L-ewwel ma xehdu kienu tliet psikjatri, Joseph Cassar, Christian Sant u Carmen Sammut fejn kienu mitluba jiddokumentaw l-istat mentali tal-akkużat, jekk jistax jidher fil-qorti u jekk jifhimx il-proċeduri tal-qorti.
Qabel ma bdew jixhdu Stefano Filletti, avukat tal-familja tal-vittma, fakkar dwar ir-rapport, li sar fil-konfront tal-akkużat u l-konklużjoni finali. Qal li deher li f’Marzu, kienet li deher li ma kellu l-ebda delużjoni. Sadanittant il-psikjatri li kienu fuq il-pedana tax-xhieda flimkien qalu li Aquilina għandu personalità anti-soċjali, huwa rrabjat lejn id-dinja u n-nisa.
L-esperti komplew bl-osservazzjonijiet fejn qalu li mid-dettalji dwar il-qtil Abner wera li Aquilina ftakar ħafna dwar dak l-inċident u t-tattika kienet li jevita li jwieġeb mistoqsijiet. Huwa mhux biss ried jagħmel sess mal-mara iżda li jagħmel dan ma’ katavru.
Qalu wkoll huwa kellu kapaċità mentali biżżejjed biex jingaġġa avukat biex jassistih, billi kien jaf li kellu bżonn wieħed. Mario Mifsud, l-avukat difensur li jirrappreżenta lil Aquilina, staqsa għaliex il-psikjatri kellhom jirreferu għall-każ speċifiku sabiex jevalwaw l-istat tal-moħħ tiegħu.
Wieħed mill-psikjatri, Joseph Cassar, qal li dan kien meħtieġ u qal ukoll li l-avukat ta’ Aquilina kien preżenti waqt l-assessjar. L-avukat difensur sadanittant żvela wkoll li lbieraħ (il-Ħamis) Aquilina ħebb għall- psikjatra anzjan.
Wara xehdet Stephanie Palmier, li hija tabiba li kienet xogħol fil-poliklinika tal-Furjana fil-lejl tal-qtil. Waslet sejħa dwar il-katavru li nstab fil-ġonna ta’ Tas-Sliema. It-tabiba marret fuq il-post u kienet magħarfa li l-mara kienet mejta. Il-katavru kien parti minnu bla ħwejjeġ u ma kien hemm l-ebda sinjal ta’ ħajja, tgħid ix-xhud lill-qorti.
Il-movimenti ta’ Abner u l-vittma
Wara xehed is-Supretendent Gary Scerri mill-iskwadra tal-omiċidji. Huwa kien inkarigat li jieħu lil Aquilina taħt kustodja u ta struzzjonijiet lill-uffiċjali tiegħu biex iżommu l-body cams tagħhom mixgħula il-ħin kollu. Idejh tpoġġew f’envelops tal-karti sabiex il-brix tad-dwiefer ikun jista’ jittieħed aktar tard għal skopijiet ta’ DNA. Hemm filmati tal-proċedura kollha.
L-espert tal-IT Keith Cutajar kien ix-xhud li jmiss mar fuq il-post biex jiġbor u janalizza data tas-CCTV. Kien hemm xi 23 camera u li x-xogħol ħa aktar minn ġimgħa biex jinġabru l-filmati kollha miż-żoni ta’ Tas-Sliema u San Ġiljan.
Dan analizza wkoll il-filmati tal-bodycam ta’ sitt uffiċjali preżenti għall-arrest ta’ Aquilina. Kien hemm ukoll filmati ta’ laptop li juru lill-vittma titkellem ma’ raġel ġewwa l-hostel qabel il-qtil tagħha. L-espert seta’ jssegwi l-movimenti tagħha billi tuża filmati CCTV.
Il-movimenti ta’ Abner Aquilina inqabdu wkoll fuq CCTV. Saq scooter miż-Żejtun lejn ix-xatt ta’ Tas-Sliema, ħdejn il-monument “LOVE’ f’San Ġiljan, u ’l quddiem lejn il-Lukanda Mariott. Huwa daħal fil-garaxx wara l-lukanda u pparkja l-iscooter tiegħu hemmhekk.
Huwa għadda mill-lukanda u pprova jiftaħ il-bieb tar-reception li jwassal għall-Bajja tal-Balluta iżda din kienet magħluqa. Eventwalment, ħareġ minn bieb tal-ġenb u qasam it-triq fl-4-4.30am. Qasam lejn ix-Xatt u mexa lejn il-knisja tal-Balluta. Fl-istess ħin, Paulina Dembska qasmet l-istess triq u ħarġet ma’ ħabib tagħha u marret lejn il-Fortizza.
Kien hemm xi żgħażagħ mexjin fuq quddiem u jħarsu lura bħallikieku intimidati minn Aquilina li kien qed isegwihom. Dan kollu nqabad fuq filmati tas-CCTV. Aquilina reġa deher sejjer lura l-Balluta fejn ġie arrestat. L-espert tal-IT kompla jiddeskrivi l-filmati fejn tkellem dwar bodycams tal-pulizija.
Abner deher bilqiegħda fuq bank faċċata tal-knisja hekk kif il-pulizija daru miegħu, u mbagħad ħaduh il-poliklinika. Ingħata flixkun ilma, li qabad u sabbat mal-art. Imbagħad poġġu wiċċu qrib il-bodycam tal-Pulizija u beda jinsisti fuq “maħfra presidenzjali ffirmata mill-prim ministru”.
Data minn żewġ mobiles uriet ukoll il-movimenti tal-vittma u tal-akkużat. Din id-dejta kkorroborat il-filmati dettaljati mill-espert tal-IT. SIM card Melita minn ta’ Aquilina hija “tal-akbar importanza” għall-investigazzjonijiet u għadha qed tiġi analizzata, qal l-espert lill-qorti qabel ma ppreżenta r-rapport tiegħu.
Żewġ uffiċjali forensiċi wara ddeskrivew l-valutazzjoni tal-ġisem nofsu għarwien tal-vittma, miksi b’liżar abjad u lokalizzar fuq ir-rampa li tieħdok għall-ġonna tal-Indipendenza.
Tbenġil fuq wiċċ Dembska u ġrieħi f’sidirha u ż-żona ġenitali
Kien hemm tbenġil fuq wiċċha, u ġrieħi fis-sider u ż-żona ġenitali. Kien hemm xagħar kien fuq il-puġġaman u kien hemm ukoll “likwidu ħamrani” . Huma evalwaw ukoll ir-rota tat-tip Kymco ta’ Aquilina u l-affarijiet tal-vittma fil-hostel fejn kienet toqgħod.
Wieħed mill-esperti forensiċi qal li għandhom erba’ volumi ta’ ritratti li jiddokumentaw postijiet u stadji differenti tal-investigazzjonijiet tagħhom. Resident minn San Ġiljan, Patrick Borg, xehed li huwa joħroġ għal mixjiet ta’ kuljum fl-inħawi fejn instab il-katavru.
Tenna li għall-ħabta tal-5am tat-2 ta’ Jannar kien sejjer minn Tas-Sliema għal San Ġiljan. F’ħin minnhom lemaħ persuna liebes top maroon li kien qed jagħmel press-ups.
Ix-xhub ħaseb bejnu u bejn ruħu, “Ara dan it-tifel! Kemm hu enerġetiku dalgħodu” Imbagħad hekk kif għadda minn quddiem ħares lura u ra sieq oħra, mgħollija. Huwa ra x-xena biss għall frazzjoni ta’ sekonda biss. “Dak il-ħin kont qed ngħid ir-rużarju fuq ir-radju, li kien beda fil-5am,” qal il-Ġiljaniż lill-qorti.
Wara xehedet Marie Claire Tabone, rappreżentanta tal-kumpanija tat-telekomunikazzjoni Melita. Qalet li l-kumpanija kellha talba mill-pulizija biex tipprovdi data minn mobile reġistrat f’isem qarib ta’ Aquilina. Il-kumpanija forniet reġistru tas-sejħiet, reġistri tad-data u data ta’ lokalizzazzjoni tat-telefon minn Novembru 2021 sa Jannar 2022.
Sally Ann Felice, uffiċjal tal-pulizija stazzjonata f’Tas-Sliema, qalet li attendiet fuq il-post tal-qtil u tkellmet ma’ diplomatiku Franċiż li kien l-ewwel li ra lill-vittma u nforma lill-pulizija. Il-kuntistabbli tal-Pulizija Kurt Mifsud qal ukoll lill-Qorti kif ħa telefonata fis-6.20am tat-2 ta’ Jannar, fejn irrapporta li mara nstabet “x’aktarx mejta” fil-ġonna biswit il-ħanut Boris Archidiacono.
Is-Supretendent Keith Arnaud, l-Ispettur Shawn Pawney, Jonathan Ransley u Wayne Camilleri qed imexxu l-Prosekuzzjoni, mgħejjuna mill-Avukati Anthony Vella u Darlene Grima, li qed jidhru għall-Uffiċċju tal-Avukat Ġenerali, filwaqt li l-Avukat Mario Mifsud qed jidher għall-imputat u l-Avukat Stefano Filletti qed jidher għall-parte civile. Il-kumpilazzjoni għandha tkompli fis-7 ta’ Ottubru.
