Aġġornata:
Tilef ħajtu l-anzjan li l-bieraħ ittajjar minn mutur f’Raħal Ġdid.
Il-bieraħ:
Anzjan ta’ 87 sena jinsab fil-periklu tal-mewt wara li ttajjar minn mutur f’Raħal Ġdid għall-ħabta tat-08:30 ta’ dalgħodu.
L-inċident seħħ fi Triq Għajn Dwieli fejn mill-investigazzjoni preliminari rriżulta l-anzjan residenti Raħal il-Ġdid intlaqat mill-mutur misjuq minn raġel ta’ 54 sena residenti l-Isla.
Il-vittma ngħata l-għajnuna minn tim mediku u ttieħed l-Isptar Mater Dei b’ambulanza. Huwa ġie ċċertifikat bi ġrieħi serji.
Bil-każ ġiet infurmata l-Maġistrat tal-Għassa Elaine Mercieca li ħatret inkjesta, filwaqt li l-investigazzjonijiet tal-Pulizija għadhom għaddejjin.
