Raġel ta’ 49 sena resident iż-Żurrieq qed isofri minn ġrieħi gravi wara li waqa’ madwar sular minn fuq sellum waqt li kien qed jaħdem fi stabbiliment Triq il-Kbira San Ġużepp, il-Ħamrun għall-ħabta tad-9 ta’ dalgħodu.
Fil-post issejħu l-membri tal-Protezzjoni Ċivili u tim mediku sabiex jassistu. Ir-raġel ittieħed l-Isptar Mater Dei b’ambulanza u ġie ċċertifikat li weġġa’ gravi.
Il-Pulizija għaddejja bl-investigazzjonijiet fuq il-każ.
