Raġel ta’ 28 sena qed isofri minn ġrieħi gravi wara li waqa’ minn fuq rota li kien qiegħed isuq fi Triq Annibale Preca, Ħal Lija għall-ħabta tal-11pm.
Fuq il-post issejjaħ tim mediku mill-Isptar Mater Dei li taw l-ewwel għajnuna lir-raġel, Norveġiż residenti Ħ’Attard. Iktar tard hu ttieħed l-Isptar b’ambulanza għal iktar kura. Hemmhekk hu ġie ċċertifikat li sofra ġrieħi gravi.
L-investigazzjonijiet tal-Pulizija tad-Distrett għadhom għaddejjin.
