Ir-raġel akkużat li fil-25 ta’ Lulju, fil-Marsa, kien akkużat li ta daqqiet ta’ sikkina li kienet fatali fuq raġel Eġizzjan, ipprova jagħti bis-sikkina lil raġel ieħor li kien fl-inħawi. Quddiem il-Maġistrat Doreen Clarke kompliet il-kumpilazzjoni tal-provi kontra Al Mahy Ezzo Saeed, ċittadin Sudaniż li huwa akkużat bil-qtil.
“Niftakar li l-ġurnata kienet il-Ħadd. Jien kont mort il-ħanut Afrikan fil-Marsa biex nixtri l-ikel,” qal fix-xhieda tiegħu l-ewwel xhud, Mballa Abdulla Sesai. “L-inċident seħħ ħdejn il-Game Bar. Kont 25 metru bogħod meta ġara dan kollu. Rajt lill-akkużat jagħti l-ewwel daqqa ta’ ponn, lejn il-vittma.
“Wara li ta bil-ponn, għolla siequ u ħareġ is-sikkina,m rrealizzajt li kienet se tiġri xi waħda kerha, allura immedjatament waqaft,” qal ix-xhud, filwaqt li spjega li kellu għarfien militari li għenu biex jevalwa s-sitwazzjoni. Huwa kien għajjat lill-akkużat biex jieqaf, iżda r-raġel ma tagħax kasu u mbagħad ta sikkina f’dahar il-vittma.
Huwa qal li t-tieni daqqa ta’ sikkina kienet fil-parti ta’ fuq tas-sider tal-vittma. “Rajt id-demm jixerred… Waqqajt ix-xiri u ħriġt il-mobile biex insejjaħ lill-pulizija.” Sesai qal li mbagħad ġera biex jingħata l-għajnuna mill-għassa tal-Marsa iżda sabha magħluqa.
Daqq il-qanpiena u qalulu li l-għassa tal-Ħamrun kienet l-eqreb għassa miftuħa. Ix-xhud imbagħad irritorna fuq il-post, eżatt fil-ħin biex jara lill-vittma, li f’dan il-mument kien għadu fuq saqajh iżda ftit tal-ħin wara kkollassa. “Għidt lill-Ezzo Saeed li kellu jibqa’ fil-post sakemm tasal il-pulizija. Huwa rrifjuta, u mbagħad xejjer is-sikkina lejja.
“It-tieni darba li xxejirli bis-sikkina, neħħejt il-qmis u għedtlu ‘għandek tibqa’ tistenna sakemm tasal il-pulizija’”. L-akkużat iżda rrifjuta li jistenna lill-pulizija u wara li x-xhud qallu biex jieqaf it-tielet darba, qabad is-sikkina għalih. Ix-xhud qal li rnexxielu jissielet mal-akkużat u tah daqqa sew.
Imbagħad l-aggressur ħarab, bix-xhud u diversi nies oħrajn jiġru, u laħħqu miegħu hekk kif ipprova jitla’ minn fuq ċint. Ix-xhud qabad lill-akkużat u llokkjalu spalltu, f’liema punt Saeed ċeda. “Għidtlu neħħi s-sikkina, u obda.” Mistoqsi jekk irrikonoxxax lill-akkużat fil-qorti, ix-xhud wieġeb fil-pożittiv, iżda qal li ma kienx jaf ismu.
Ix-xhud spjega x’kien motiva l-intervent tiegħu. “Kif tista’ tferi lil ħuk stess? Għandna l-istess razza… li tatni l-kuraġġ biex nikkonfrontah, “huwa qal. It-tieni xhud li ra kollox, u residenti Ħaż-Żabbar Abram Ambari Mohammed min-Niġerja, qal lill-Qorti li dakinhar filgħaxija kien mar il-Marsa biex jixtri.
“Nara wieħed minn ħuti jiġġieled maʼ ieħor minn ħuti. Għalhekk għajjatilhom biex jieqfu.” Fuq talba tal-prosekuzzjoni, ix-xhud iċċara li l-irġiel ma kinux qraba tiegħu, iżda li membri tal-komunità tiegħu rreferew għal xulxin bħala aħwa. Ambari Mohammed qal li kien ra raġel joħroġ sikkina, u identifika lill-akkużat bħala dak ir-raġel fil-Qorti.
“Huwa uża s-sikkina fuq dahat l-vittma u għajjat, ‘ħallih lil ħija, ieqaf minn dak li qed tagħmel’”. Kienu preżenti wkoll nies oħra, huwaqal. “Konna qed nippruvaw nifirduhom biex inwaqqfuhom jiġġieldu, u wara, dan ħarab. Ċempilna l-ambulanza għal dak li mixħut ma’ l-art biex forsi jgħix.
Ftit minuti wara, ġie lura u għednilu ‘brother x’għamilt? Irridu nwaqqfuk biex tilħaq tiġi l-pulizija. ‘Qabel ma missejnih, reġa’ ħareġ is-sikkina u heddidna biha. Vella staqsa lir-raġel x’għamel il-vittma wara li ndarab. “Kien qed jikkolassa, id-demm kien ħiereġ kullimkien, kienet l-ewwel darba li rajt ħaġa bħal din f’ħajti.” Il-każ se jkompli f’Ottubru. L-Ispettur Shawn Pawney mexxa l-prosekuzzjoni. L-Avukati Anthony Vella u Ramon Bonett Sladden qed jidhru f’isem l-Uffiċċju tal-Avukat Ġenerali. L-Avukat Jason Grima huwa avukat difensur.
