Mietu għexieren ta’ suldati waqt battalji li żbruffaw mill-ġdid bejn il-qawwiet tal-Armenja u l-Ażerbajġan.
Dawn il-pajjiżi avversarji, fil-passat, kienu ġġieldu diversi battalji — flimkien ma’ żewġ gwerer kbar –għall-kontroll tar-reġjun ta’ Nagorno-Karabakh li jifforma parti mill-Ażerbajġan u li għandu wkoll popolazzjoni ta’ Armeni etniċi.
Il-Prim Ministru Armen, Nikol Pashinyan, qal li mietu xi 50 suldati Armeni waqt il-battalji li seħħew matul il-lejl tat-Tnejn – u bl-Ażerbajġan ma jiżvelax l-ammonti tal-vittmi fuq in-naħa tiegħu.
L-aħħar battalji żbruffaw minkejja li r-Russja, fl-2020, kienet sponsorjat waqfien mill-ġlied bejn l-Armeni u l-Ażeri wara sensiela ta’ battalji li fihom l-Ażeri kienu rebħu numru ta’ artijiet għall-ispejjeż tal-Armenja.
