Il-President tal-Parlament Ewropew Roberta Metsola kellha intervista mal-Kap tal-istazzjon internazzjonali spazjali Samantha Cristoforetti li hija l-ewwel Kap mara Ewropea li ħadet f’idha it-tmun ta’ dan l-istazzjon.
Roberta Metsola fil-kummenti tagħha qalet li bla ebda dubju Samantha hija ta’ ispirazzjoni għal kulħadd.
L-astronawta spjegat il-proġetti li għaddejjin bħalissa kif ukoll il-ħidma li qed tissarraf f’iktar għajnuna sabiex id-dinja tkun aħjar.
Il-President tal-Parlament Ewropew saqsiet dwar id-debri li hemm fl-ispazju u kif dan jista’ jkun evitat, bit-tweġiba tkun li bħalissa l-European Space Agency għaddejja b’ħidma biex tilimita r-riperkussjonijiet li l-iskart spazjali jġib miegħu.
Intant Roberta Metsola stiednet lil Samantha biex la tasal fid-dinja, jiltaqgħu sabiex ikunu jistgħu jitkellmu aħjar dwar għadd ta’ materji, b’Samantha tgħid li dan se tagħmlu billi anki tagħti bħala rigal il-bandiera tal-Unjoni Ewropea li kienet tinsab warajha lill-President tal-Parlament Ewropew.
