Ħaddiem qed isofri minn ġrieħi gravi waqt li kien qed juża wall chaser f’sit ta’ kostruzzjoni fi Triq Bentrija, ix-Xagħra għall-ħabta ta’ nofsinhar.
Fil-post wasal tim mediku li ta l-ewwel għajnuna lill-vittma, raġel ta’ 31 sena residenti x-Xewkija.
Iktar tard hu ttieħed l-Isptar Ġenerali t’Għawdex b’ambulanza għal iktar kura.
L-investigazzjonijiet tal-Pulizija għadhom għaddejjin.
