Ħamrun Bayern huma r-rebbieħa tal-kampjonat tas-sajf organizzat mill-Assoċjazzjoni Maltija tad-Darts meta fil-finali li ntlagħbet fi stabbiliment f’Marsaskala, huma għelbu lil Floriana Ajax 5-1.
Kif jindika l-iskor, il-Ħamruniżi ddominaw dan il-konfront fejn stabilixxew vantaġġ ta’ erba’ punti li kien biżżejjed sabiex tiġi deċiża din il-finali.
Min-naħa l-oħra, il-Furjaniżi rebħu l-aħħar logħba sabiex l-iskor finali kien jaqra 5-1.
Fi tmiem il-finali, il-president tal-Malta Darts Association Roderick Zammit ippreżenta t-tazza lill-captain ta’ Ħamrun Bayern Kevin Aquilina.
