Serb ta’ 49 sena ġie deportat minn Malta wara li ammetta li pprova jsiefer lejn pajjiżu b’passaport falz imma nsista li għamel hekk biex imur għat-tfal tiegħu. Srdan Mihajlovic, resdienti Marsalforn, Għawdex u li ma jaħdimx, tressaq quddiem il-Maġistrat Astrid May Grima.
Huwa kien mixli mill-Ispettur Lara Butters li uża passaport falz u li ffalsifika dokumenti oħrajn. L-Avukat Josette Sultana bħala avukat tal-għajnuna legali li deheret għas-Serb qalet li huwa wettaq dan l-aġir b’emerġenza, u dan biex ikun jista’ jġib lit-tfal tiegħu mis-Serbja. Minbarra d-deportazzjoni tiegħu minn Malta l-Maġistrat Grima kkundannata sena ħabs sospiżi għal tliet snin.
//= $special ?>