Ir-residenti f’Havana qed jieħdu sehem fi protesti rari wara li l-Uragan Ian – fost l-akbar uragani li qatt laqat ir-reġjun – litteralment ‘elimina’ il-provvista tad-dawl għall-Kubani kollha.
Sal-aħħar sigħat, id-dawl kien irritorna biss għal ftit inħawi tal-kapitali, bir-residenti joħorġu fit-toroq mudlama biex jesprimu għadab għall-Gvern u l-mod kif qed jirreaġġixxi għall-kriżi.
Ħafna mill-ibliet ‘il hinn minn Havana għadhom mingħajr dawl waqt li l-iskwadri għall-emerġenzi kienu qed jippruvaw isewwu l-infrastruttura relatata li ġarrbet il-ħsarat kbar fost l-elementi ta’ ‘Ian’.
Kien hemm ħinijiet fejn il-gżira ta’ Kuba spiċċat kompletament mingħajr provvista tad-dawl b’kaġun tal-uragan – bl-impatt tiegħu jinħass b’mod partikulari fl-irziezet ewlenin li jipproduċu t-tabakk. Din hi anki l-ewwel darba fl-istorja li d-dawl inqata’ għall-pajjiż sħiħ u meta r-residenti qed jiffaċċjaw kundizzjonijiet mill-aktar diffiċli.
L-aħħar rapporti qalu, sadanittant, li l-Ministeru għall-Enerġija rristawra l-enerġija għal numru żgħir ħafna ta’ reġjuni filwaqt li attiva żewġ faċilitajiet tad-dawl f’Felton u Nuevitas.
Madankollu, komplew il-protesti tan-nies anki waqt li l-uragan kien qed javvanza aktar ‘il hinn minn Kuba. Dan waqt li l-filmati fuq il-media soċjali wrew l-arbli tad-dawl imqaċċtin minn mal-art u network ta’ toroq infarrkin f’Pinar del Rio, Artemisa u Mayabeque.
//= $special ?>