Fl-aħħar ħin, il-band mużikali Queen ħabbret li se tiġi introdotta kanżunetta ġdida fix-xena mużikali bl-isem ‘Face it Alone’ nhar il-Ħamis 13 ta’ Ottubru fil-11.15 ta’ filgħodu, kantata minn Freddie Mercury innifsu.
Oriġinarjament, il-kanżunetta ‘Face it Alone’ ġiet irrekordjata mill-kantant ta’ fama internazzjonali Freddie Mercury fl-1989 – fl-istess żmien meta l-grupp mużikali Queen kienu qegħdin jaħdmu fuq it-tlettax -il album tagħhom bl-isem ‘The Miracle’.
Il-Band rock mużikali Queen indikat ir-rilaxx ta’ kanżunetta ġdida l-ġimgħa li għaddiet wara li ntlemħu sensiela ta’ billboards promozzjonali madwar id-dinja bil-kliem “Queen – Face It Alone”.
Intant, f’diversi reklami abbinati mat-tnedija tal-kanżunetta ‘Face it alone’ li ġew murija madwar id-dinja, deher QR Code, li meta jiġi skennjat, tindaqq silta qasira tal-kanzunetta.
