Numru ta’ Pulizija xehdu kif meta kellmu nies barranin dawn qalulhom kif kienu ssawwtu minn tliet Pulizija u li m’għamlux rapport għax ma kienux se jingħataw każ minn dawk li kienu aggredewhom u ma kienux se jitwemmnu. Ix-xhieda qalu kif l-allegati vittmi kienu jiġu msawwta f’Wied ġewwa Ħal Qormi u li kien hemm okkażjoni fejn anke intuża, l-pepper spray, taser gun u ġebel.
Hekk kif bdiet il-kumpilazzjoni fil-konfront ta’ tliet uffiċjali tal-pulizija akkużati li ħatfu u sawwtu ċittadini barranin. Luca Brincat ta’ 20 sena minn Ħal Qormi, Rica Mifsud Grech ta’ 22 sena mill-Floriana, u Jurgen Falzon ta’ 24 sena minn Sta Venera qeg]din iwieġbu mhux ħatja tal-akkużi miġjubin kontrihom.
Meta tressqu, l-Qorti semgħet allegazzjonijiet li l-ħtif seħħ mill-inqas tliet darbiet u li waħda mill-vittmi tagħhom kien imsawwat tant li intilef minn sensieh. L-allegazzjonijiet ħarġu minn ilment li tressaq lit-taqsima tal-affarijiet interni tal-pulizija minn dawk li kienu jaħdmu fuq l-istess xift tal-akkużati.
Fil-preżenza ta’ numru konsiderevoli ta’ membri tal-familja tal-akkużati quddiem il-Maġistrat Joe Mifsud ġie mgħajjat jixhed l-ewwel l-Ispettur Omar Zammit, li jagħmel parti mit-taqsima tal-vjolenza domestika. Tenna li l-Ġimgħa 7 ta’ Ottubru ngħataw rapport mingħand kuntistabbli mara dwar reati li allegatament saru minn kollegi tagħha fl-għassa tal-Ħamrun. Huma allegatament sawwtu lill-barranin u qalet li kienet fdat ma’ żewġ kollegi oħra dwar l-allegati reati.
Qal li tliet uffiċjali tal-pulizija rrappurtaw il-każ. Wieħed minnhom, li jismu Lydon, ta xhieda f’inkjesta maġisterjali. Huwa ddeskriva kif kien fuq xogħolu bil-lejl mal-kuntistabbli tal-pulizija Jurgan Falzon u Luca Brincat. U lemħu raġel il-Marsa li kien fis-sakra u Falzon u Brincat ħarġu mill-karozza u ħabtu lill-ġuvni mas-saqaf tal-karozza.
Fittxewlu, mmanettjawh u daħħluh ġewwa l-karozza tal-pulizija. Brincat qal lill-uffiċjal l-ieħor, li rrapporta l-każ, biex ineħħi l-bodycam iżda dan irrifjuta. Saqu lejn wied r’Ħal Qormi, ħarġu mill-karozza u Falzon u Brincat bdew jagħtu daqqiet ta’ sieq fuq ir-raġel, barrani. F’ħin minnhom, tefgħu ġebla fid-direzzjoni tal-vittma. Lydon sema’ lir-raġel jgħajjat bl-uġigħ. Imbagħad telqu.
Uffiċjal ieħor ta x-xhieda fl-inkjesta maġisterjali. Qal li kien preżenti diversi drabi meta t-tliet akkużati kienu jfittxu migranti jorqdu barra u japplikaw kontrahom it-taser u pepper spray. Uffiċjal ieħor qal li f’Settembru waqt li kienet qed taħdem bil-lejl marret mal-akkużati fuq ronda ta’ billejl.
Huma marru lejn Triq is-Serkin fil-Marsa. Kien hemm grupp ta’ Maltin jistennewhom. Wieħed mill-Maltin qal lil Brincat biex “jeħles minn raġel ta’ ġilda skura li kien qed jgħajjarhom”. Huwa arrestaw lir-raġel minkejja li qalulhom li ma kienx hu li kien qed jaqla’ l-inkwiet. Ħalluh f’idejna, qal lill-grupp Malti. Wara telqu lejn il-wied ta’ Ħal Qormi, kollu mudlam, u Brincat u Falzon bdew jagħtuh bis-sieq u jsawtuh. Għal darb’oħra riedu li l-kollega tagħhom titfi l-bodycam iżda hija rrifjutat.
Wieħed mill-uffiċjali li kienu qed jixhdu, Lydon, wera lill-inkjesta maġisterjali video ixxerjat fuq chat. Kien juri lil Brincat b’sikkina, bilqiegħda fuq mejda fl-istazzjon tal-Ħamrun, b’raġel ta’ ġilda skura bilqiegħda quddiemu. Brincat jgħidlu biex iwiegħed li ma jaqlax aktar inkwiet. Imbagħad, bis-sikkina jagħmillu sinjal li jfisser il-qtugħ ta’ l-għonq, u beda jhedded lill-vittma, bilqiegħda b’dahru lejn il-camera.
Il-Maġistrat inkwerenti ordna li jiġu maqbda l-filmati kollha. Il-Pulizija sabet ukoll taser fil-locker ta’ Mifsud Grech u pepper spray fil-glove compartment tal-karozza tagħha. Il-baskett personali ta’ Brincat kien fiha taser torċ oħra u sikkina.
Tfittxija oħra fil-locker u l-karozza tiegħu ma tat l-ebda riżultat. Falzon ġie arrestat id-dar. Ma nstab xejn waqt it-tfittxijiet fil-kamra tas-sodda u l-karozza tiegħu. It-tliet mobiles tal-uffiċjali ngħataw lil espert tal-qorti. Il-Pulizija bdiet tfittex il-vittmi. Wieħed minnhom kien fil-Faċilità Korrettiva ta’ Kordin, fejn kien qed jiskonta żmien wara kundanna f’Settembru.
Spettur mar fuq il-post tal-allegat swat f’wied Ħal Qormi. Fl-inħawi magħrufa bħala Tas Slabeb. Wieħed mill-kuntistabbli tal-pulizija li ppreżenta r-rapport qal lill-pulizija li dak kien il-post. Espert kien inkarigat jiġbor filmati minn farmhouse fil-qrib.
Wieħed mill-vittmi qal lill-pulizija li kien fis-sakra meta tpoġġa f’karozza tal-pulizija. Kien dlam imma kien xi mkien il-Marsa. Il-pulizija sawwtuh, tawh bil-ponn u bis-sieq. Wieħed minnhom kien mibni tajjeb u bid-daqna. L-ieħor kien żgħir fl-istatura. Lydon kien ix-xufier u ma sawwtuhx. Kien jaf lil Lydon bħala uffiċjal li għamel xogħol tal-pulizija fil-komunità.
Meta l-vittma kien mistoqsi għaliex ma rrapportax, huwa qal: “Immur fl-istess għassa fejn kienu jaħdmu l-aggressuri tiegħi? U min se jemminni.” Il-pulizija eżaminat il-bodycams tal-uffiċjali. Il-bodycam ta’ Brincat uriet li fit-13 ta’ Settembru kien hemm allegat swat ieħor.
Il-vittma kien qal dan lil surġent fl-għassa tal-Ħamrun. Ġie rreġistrat fuq il-bodycam ta’ Brincat. Il-filmati wrew lil Jurgen, Luca u Ryan joħorġu mill-karozza tal-pulizija b’ċittadin barrani. Huwa kien ġie arrestat minħabba fastidju fuq mara.
Lydon qal li mal-arrest Brincat kien issuġġerixxa lil Falzon biex jieħu lir-raġel Ħal Qormi. Falzon irribatta “ma tarax għadu d-dawl.” Falzon imbotta u ta bil-minkeb lir-raġel. Fl-aħħar mill-aħħar ġie ripatrijat lejn il-Bulgarija. It-tielet vittma nstab ukoll.
Huwa fakkar li ttieħed Ħal Qormi fid-dlam minn tliet uffiċjali, li tah daqqa ta’ ponn u sieq. Wieħed kien mibni u kellu daqna, il-mara kienet żgħira. Abbandunawh fuq is-sit. Irnexxielu jimxi lejn it-triq prinċipali u pprova jwaqqaf l-karozzi għall-għajnuna iżda ħadd ma waqaflu.
Il-pulizija ċċekkjaw ukoll kwalunkwe rapporti li ġew illoggjati fis-sistema tal-pulizija fid-dati. Iżda ma kien hemm l-ebda rapporti dakinhar. L-avukat difensur Veronique Dalli staqsiet lill-ispettur dwar dan l-aħħar każ. fejn tkellemet dwar il-fatt li ma kienx hemm rapporti li saru lill-pulizija dwar il-vittma dakinhar li allegatament ġie aggredit.
Dalli staqsiet jekk kienx qed jiġi investigat għal ħsarat f’ħanut u jekk is-sid imbagħad għażilx li ma jipproċedix. L-Ispettur Zammit jgħid li kulma jaf hu li l-vittma eventwalment ġiet ikkurata l-isptar. L-avukat difensur Edmond Cuschieri jistaqsi dwar jekk il-ġrieħi tal-vittmi kinux iċċertifikati.
Il-pulizija qalet li l-vittmi ma marrux l-isptar u għalhekk ma jafux dwar in-natura tal-ġrieħi. Qed jiġi rrimarkat li Rica Mifsud Grech allegatament kienet involuta f’wieħed mill-inċidenti ta’ Settembru u okkażjonijiet oħra meta allegatament użat it-taser fuq l-allegati vittmi li nlemħu rieqda fit-triq. Hija ma kinitx involuta fl-inċident tal-penknife u li ma nstab ebda taser fil-pussess ta’ Falzon.
Uffiċjal ieħor, Graziella Muscat xehedet li fit-3 ta’ Ottubru, il-professional standards unit tal-pulizija rċeviet email mingħand żewġ surġenti, li riedu jitkellmu dwar sħabhom. “Hekk bdiet l-istorja,” hija spjegat. Is-surġenti ngħataw appuntament għad-9 ta’ Ottubru iżda jumejn qabel ċemplu biex jgħidu li kien każ serju u ma setgħux jistennew.
Din kienet tikkonċerna uffiċjali li allegatament kienu qed jiġbru barranin, jieħduhom f’post f’Ħal Qormi, isawtuhom u jabbandunawhom. Kien sar rapport minn kuntistabbli tal-pulizija. Ix-xhud informa lill-kummissarju tal-pulizija Angelo Gafa, li kien jinvolvi lill-assistent kummissarju Sandro Gatt, li assenja l-investigazzjoni lill-ispettur Joe Mercieca. L-uffiċjali tal-pulizija – dawk li kienu jafu bl-allegata vjolenza – taw ix-xhieda tagħhom taħt ġurament quddiem il-maġistrat inkwirenti.
Il-Pulizija kienet taf biż-żewġ vittmi u kienet taf ukoll liema uffiċjali kienu involuti fil-vjolenza. Saru jafu wkoll bil-filmati, li juru “raġel ta’ ġilda skura, b’ċhocker tad-deheb”, u Brincat bilqiegħda faċċata, ixejjer bis-sikkina lejh. “B’idu għamel sinjal ta’ qtugħ ta’ griżmejn,” qal ix-xhud.
L-avukat difensur Franco Debono intervjena u qal. “din hija l-interpretazzjoni tiegħek,”. Il-maġistrat qal li hekk qed tinterpreta x-xhud fuq l-moviment li rat fuq il-filmati. Ix-xhud qaler li minbarra r-raġel fl-għassa, l-uffiċjali bdew ifittxu għaż-żewġ vittmi l-oħra. Wieħed minnhom kien joqgħod il-Belt Valletta, skont l-aħħar indirizz reġistrat tiegħu. Fittxewh ukoll fil-komunita’ tal-Marsa iżda ma setgħux isibuh.
Fis-7 ta’ Ottubru ħarġu mandati ta’ arrest għat-tliet akkużati. Dwar fl-filmat li juri lil Luca Brincat ixejjer is-sikkina lejn wieħed mill-vittmi, dan allegatament qallu: “Illum konna nice, imma d-darba li jmiss?…” L-Avukat difensur Veronique Dalli staqsit lix-xhud dwar talba li għamlet Rica Mifusd Grech il-karozza tagħha u ċ-ċwievet tad-dar tagħha intilfu mill-locker tagħha. L-avukat tagħha qalet ukoll li Mifsud Grech kien irrapporta lil wieħed mis-superjuri tagħha għal attitudni sessista fil-konfront tagħha.
L-avukat difensur Franco Debono staqsa jekk ix-xhud jafx li s-superjur tal-akkużat kien qalilhom biex ma jieħdux nies fis-sakra fl-għassa tal-pulizija iżda f’post ieħor, anke indika post. “Le, m’inix konxju ta’ dan,” wieġbet is-surġent tal-pulizija.
Xhud ieħor tela’ fuq il-pedana tax-xhieda. Fl-arrest ta’ Jurgen Falzon qal li kien involut is-surġent tal-Pulizija Jeffrey Rizzo. L-uffiċjal fittex fil-kamra tiegħu u ssekwestra mobile, li għadda lill-espert tal-qorti. Ma kellu l-ebda involviment ieħor. Il-maġistrat i rrimarka li seta’ ma kienx involut aktar peress li huwa ħu l-maġistrat inkwerenti f’dan il-każ, Elaine Mercieca.
il-Maġistrat Mifsud iddiferixxa s-seduta li jmiss għan nhar it-Tlieta, bl-akkużati jinżammu taħt arrest preventiv sal-20 ta’ Ottubru meta tkun dovuta deċiżjoni dwar jekk hemmx biżżejjed provi prima facie biex jipproċedu bil-każ. L-avukati difensuri huma Veronique Dalli, Edmond Cuschieri u Franco Debono. Għall-prosekuzzjoni qed jidhru l-Ispetturi Omar Zammit u Joseph Mercieca. Huma assistiti minn Anthony Vella u Kaylie Bonnett, avukati tal-Avukat Ġenerali.
