Rigward ir-refunds tal-kontijiet tad-dawl ma jgħidx kemm se jitħallas l-20% tal-poplu
Din il-ġimgħa, il-Ministru Miriam Dalli qaltilna li s-suppost refunds ghall-kontijiet tad-dawl huma ġusti. U li l-kritika li qed issir hi biss ‘spin’.
L-akbar inċertezza hi għal dawk l-20% li semmiet il-Ministru u li nsterqu mill-kont tad-dawl – kemm se jkunu qed jitħallsu?
Din id-domanda għamilniha għal aktar minn darba l-Ġimgħa filgħodu lilll-Prim Ministru Robert Abela, illi b’Miriam Dalli maġenbu… ma kienx kapaċi jwieġeb.
Ir-risposta inizjali tiegħu kienet li l-Gvern ta ħafna f’għajnuniet waqt il-pandemija. Madanakollu baqa’ ma ndirizzax kemm se jkun qiegħed jagħti lura lil dawk il-familji li qed jitolbu flushom bi dritt.
Għal darb’oħra erġana staqsejnih….iżda hu wieġeb biss b’attakk politiku partiġġjan.
Aħna insistejna biex dawn il-familji jingħataw risposta…iżda Robert Abela ma ħassux komdu jwieġeb mistoqsija ċara u preċiża.
Ftit qabel Net News staqsa wkoll lill-Prim Ministru dwar is-sitwazzjoni li kulħadd qed iħabbat wiċċu magħha, f’ċertu żoni kull siegħa….dik tal-konġestjoni qawwija ta’ traffiku fit-toroq Maltin.
Bil-Prim Ministru jisħaq li mhux kuntent bl-ewwel jiem tax-xahar, iżda qal li issa s-sitwazzjoni tat-traffiku qed taqleb għall-aħjar.
Intant ġurnalisti preżenti staqsew lil Abela rigward l-iskandlu tal-flyovers tal-Marsa u l-investigazzjoni dwarha, bil-Prim Ministru jistqarr li sar jaf b’dan il-akż serjissimu…. minn fuq il-midja.
