Fil-kwartieri ġenerali tat-Tim Nazzjonali Taljan, Coverciano, din il-ġimgħa kien organizzat lewwel seminar tal-FSR (Football Social Responsibility) organizzat mill-UEFA fejn L-MFA kienet rappreżentata mill-Kap tad-Dipartiment tal-FSR Peter Busuttil.
F’dan is-seminar ipparteċipaw il-55 assoċjazjoni membri tal-UEFA. Wieħed mill-kelliema kien l-eks President tal-MFA u membru tal-kumitat fi ħdan il-UEFA, il-Fair Play and Social Responsibility Committee, Norman Darmanin Demajo.
Kelliema oħra kienu l-President tal-FIGC Gabriele Gravina, li ħa għamel id-diskors tal-ftuħ, u d-Direttur tal-Futbol u r-Responsabbiltà Soċjali fi ħdan il-UEFA Michele Uva.
Il-prijoritajiet ewlenin kienu, Ir-rispett tad-Drittijiet tal-Bniedem u r-Rispett tal-Ambjent. Dawn huma żewġ oqsma li l-MFA qed taħdem fuqhom b’mod attiv biex tinħoloq strateġija fit-tul, fejn il-futbol huwa katalist importanti u attur ewlieni fir-responsabbiltà soċjali.
“Il-Malta Football Association permezz tal-istrateġiji u l-azzjonijiet tal-FSR tagħha għandha rwol attiv mhux biss fil-komunitajiet tal-futbol tagħna iżda wkoll fl-aspetti kollha tas-soċjetà Maltija”, saħaq Peter Busuttil rappreżentant tal-FA FSR tal-Malta.
Fil-ġimgħat u x-xhur li ġejjin, il-Malta Football Association se tkompli tiltaqa’ mal-partijiet interessati f’diversi oqsma ta’ kompetenza biex tinħoloq strateġija ta’ futbol sostenibbli sa nofs l-2023.
Wieħed mill-għanijiet ewlenin ta’ dan il-workshop ta’ jumejn kien li jiġi ppjanat dak li ġej f’termini ta’ avvenimenti, strateġiji sostenibbli, u l-implimentazzjoni ta’ proġetti ġodda, kollha mfassla bħala tħejjija għall-introduzzjoni tal-proġett “Strength Through Unity 2030” li għandu jkuni imniedi dalwaqt mill-UEFA.
Din il-laqgħa tal-Uffiċjali tal-UEFA FSR f’Coverciano din il-ġimgħa rrappreżentat ukoll il-possibbiltà li jitfasslu pjanijiet għas-sostenibbiltà fuq terminu medju u fit-tul tal-istrateġija għar-Responsabbiltà Soċjali tal-Futbol ‘il quddiem madwar l-Ewropa u l-assoċjazzjonijiet membri rappreżentati.
