Jgiddeb lill-Ministru Aaron Farrugia
Issa uffiċjali, il-Gvern tal-Labour mhux jeskludi l-għeluq tal-Air Malta…tant li Robert Abela lissen il-possibilità ta’ Air Malta 2.
It-Tnejn filgħaxija waqt konferenza tal-aħbarijiet wara l-preżentazzjoni tal-budget..mistoqsi minn Net News jekk hux se jagħlaq il-linja tal-ajru nazzjonali jew le – Abela wieġeb b’dan il-mod..risposta li turi kollox minbarra ċ-ċertezza li l-Gvern qed jiftaħar biha f’dan il-budget.
Net News staqsa kemm hawn preżentament nies f’riskju tal-faqar u kemm effettivament dan il-budget se jkun qed jindirizza u jnaqqas b’mod effettiv dan l-ammont. Madanakollu l-Prim Ministru l-ewwel dehrlu li kellu jfarfarha fuq il-Ministru Clyde Caruana…u sussegwentament, għal raġuni li hu biss jaf, ma ħallihx jitkellem.
Dan filwaqt li diversi ġurnalisti staqsewh rigward il-fatt li dan il-budget ma lissinx kelma dwar il-proġett ta’ trasport tal-massa tal-metro…b’Net News jistaqsi kif ftit tal-ġimgħat ilu l-Ministru tat-Trasport Aaron Farrugia qal li dan il-proġett huwa doable…waqt li Robert Abela qed jgħid li għadhom qed jaraw hux vjabbli…bil-Prim Ministru jgħid li għadu ma jistax jgħid hux se jsir jew le.
Ir-relazzjoni xejn pjaċevoli bejn il-Prim Ministru u Farrugia dehret ukoll f’dak li għandu x’jaqsam mat-traffiku hekk kif filwaqt li ma spjegax kif se jnaqqas it-traffiku b’mod effettiv…stqarr li mhux sodisfatt bl-immaniġġjar preżenti.
Net News staqsa lil Robert Abela għalfejn il-Gvern għadu jippompja l-flejjes eżorbitanti lil Steward Healthcare minflok jinħall mill-kuntratt…kif qed jgħidulu wkoll diversi korpi kostitwiti..bil-Prim Ministru jwieġeb li hemm kawża l-Qorti miftuħa mid-Deputat Nazzjonalista Adrian Delia…li se tinqata’ sal-ewwel nofs tas-sena d-dieħla.
Mistoqsi dwar is-saħħa mentali u għal liema raġuni qata’ l-fondi lill-Fondazzjoni Richmond…Robert Abela wieġeb li tagħhom art…u li ma jaqbilx mal-istess Fondazzjoni li qalu li l-Gvern neħħilhom il-fondi.
Mistoqsi dwar il-mina bejn Malta u Ghawdex, Robert Abela sostna li din mhux prijorità ghall-Gvern.
Finalment mistoqsi minn Net News dwar dak li ġie rrapportat li l-konsulenti tiegħu, madwar 10 minkejja li suppost għandu sa 8…jitħallsu aktar minn nofs miljun ewro…Abela wieġeb li il-poplu għandu jifhem li madwar il-Prim Ministru tinħtieġ ħidma kontinwa…u jemmen li jitħallsu b’mod adegwat għal kull siegħa xogħol li jwettqu.
Dan kollu minkejja li fl-istess konferenza saħaq li l-Gvern għandu galbu fin-nefqa tal-finanzi pubbliċi.
