Jurgen Degabriele l-aqwa skorer tal-kampjonat b’9 gowls

‘Ir-riżultat huwa l-aktar importanti fil-futbol’

-Thane Micallef , kowċ Valletta FC

‘Ma’ nistgħax inkun kuntent għax inkun biss hekk meta nirbħu’ Kliem il-kowċ ta’ Valletta Thane Micallef fi tmiem il-partita Valletta – Gżira United. Huwa kompla. ‘Ir-riżultat huwa l-aktar importanti fil-futbol. U wara erba’ telfiet konsekuttivi fl-aħħar ksibna punt u kissirna din il-fażi negattiva. Imma mill-aspett pożittiv huwa li rajt lit-tim iwettaq reazzjoni tajba. Dehret ir-rabja fil-players li riedu xi ħaġa minn dan il-konfront wara erba’ telfiet konsekuttivi. Nemmen li ser inkomplu nżidu fuq din il-wirja u ndawru r-rota.’

‘Huwa pożittiv li għadna bla telfa’

-Darren Abdilla, kowċ Gżira Utd. FC

‘Li tieħu punt ma’ nistgħax inkun kuntent meta l-logħba fiha tlett punti’. Dawn kienu l-ewwel kummenti tal-kowċ ta’ Gżira United Darren Abdilla wara d-draw ta’ mingħajr gowls kontra Valletta. Abdilla kompla jżid. ‘Fit-tieni taqsima kellna numru ta’ ċansijiet ta’ skor u li kieku sibna x-xibka fl-aħħar għoxrin minuta ma’ konna nkunu qegħdin nisirqu xejn. Irridu nżommu f’moħħna li l-avversarji tagħna kienu determinati li wara erba’ telfiet ma’ joħorġux b’idejhom vojta. Iżda li huwa tajjeb li bħalma huma l-leaders Ħamrun Spartans għadna bla telfa. Apparti minn hekk id-distakk minn magħhom huwa wieħed minimu.’

LOGĦOB LI JMISS

Is-Sibt 29 ta’ Ottubru, 2022

Centenary Stadium

3.00pm Balzan – Valletta

5.30pm Sta Lucia – Sirens

Tony Bezzina Stadium

3.00pm B’Kara – Mosta

5.15pm Żebbuġ R. – Floriana

Il-Ħadd 30 ta’ Ottubru, 2022

Centenary Stadium

11.30am Gudja Utd. – Pieta H.