Colin Schembri
Hibernians 53
Mellieħa Libertas 75
(18-19)(19-32)(16-24)(0-0)
Mellieħa spiċċaw fl-ewwel post ta’ Grupp B meta kisbu t-tieni rebħa fl-MBA Shield kontra Hibernians 75-53 fejn huma għaqqdu l-75 punt fit-tmien minuta tat-tielet sessjoni. Hibs kellhom għall-ewwel darba lil Ricky Aquilina u Marko Vucinic però kien nieqes Paul Attard. Għal Mellieħa ddebutta Robert Bonnici li finalment irkupra minn injury li ħallietu barra għal kważi sena fil-waqt li kien nieqes Miguel Falzon. Wara bidu bilanċjat, b’erba’ punti fuq kull naħa, Mellieħa għaddew biex għamlu 8 punti mingħajr risposta minn Vukassin Jandric u Conor Ziniach. Hibs wieġbu permezz ta’ Gabriel Cassar u trippla ta’ Matthew Attard fi break ta’ 12-1 fejn kien hemm ukoll il-punti tal-Amerikan Justin Boyle u Ivan Demcesen. Trippla ta’ Nenad Bukva eżatt qabel intemmet it-taqsima poġġiet lil Mellieħa fuq quddiem 19-18 u huma fetħu t-tieni waħda b’run ta’ 9-2 fosthom trippla minn Nikola Jovanovic u fetħu vantaġġ ta’ seba’ punti 31-24. Hibs reġgħu rkupraw u l-punti ta’ Attard tawhom vantaġġ ta’ punt 32-31. Mellieħa kellhom risposta b’żewġ trippli minn David Bugeja u komplew b’run qawwija ta’ 17-3 b’Jandric ukoll jagħmel trippla u daħlu jistrieħu 51-37 minn fuq.
Wara l-intervall, l-andament tal-partita baqa’ l-istess fejn Mellieħa komplew ikabbru l-vantaġġ bi break ieħor ta’ 10-2 b’aktar punti minn Jandric u Ziniach. Minkejja li Hibs kellhom il-punti minn Demcesen, Cassar u Attard, Mellieħa bdew jersqu lejn it-tragward tal-75 punt u laħquh b’żewġ baskets ta’ Isaac Bonett biex rebħu l-partita 75-53.
Hibernians: G. Cassar 6, M. Vucinic, D. Brincat, L. Attard, L. Borg 4, R. Aquilina, M. Attard 18, J. Bogle 14, M. Bezzina, I. Demcesen 11.
Mellieħa Libertas: S. Zammit 2, D. Bugeja 19, R. Bonnici 2, V. Jandric 19, I. Bonett 2, N. Bukva 5, N. Jovanovic 4, C. Ziniach 20, M. Formosa 2.
Referees: Bernard Vassallo, Ivica Simic, Ionut Ciurariu
.
Gżira Athleta 63
Starlites FIJO 75
(15-28)(21-19)(25-21)(2-12)
Starlites FIJO wkoll ħadu l-ewwel post fil-grupp tagħhom wara li għelbu lil Gżira Athleta 75-63 bil-partita tintemm fil-bidu tar-raba’ taqsima. Starlites kellhom mument mill-aqwa fl-ewwel sessjoni li rahom jibnu vantaġġ stabblu u minkejja li Athleta kemm il-darba resqu viċin qatt ma rnexxielhom jaqilbu r-riżultat. Fl-ewwel ħinijiet tal-partita, iż-żewġ timijiet bdew jirrispondu lil xulxin fejn kien hemm it-trippli minn Roland Griffen għall-Athleta u Darius George u Ian Felice Pace għal Starlites. Bit-team ta’ Paul Ferrane punt minn fuq 11-10, il-partita ħadet żvolta mportanti b’run ta’ 15-0 minn Starlites bil-punti ta’ Matthew Attard, Kurt Xuereb u George fost l-oħrajn u huma temmew l-ewwel sessjoni 28-15 minn fuq. Athleta ppruvaw jirkupraw fit-tieni sessjonu meta bil-punti ta’ Nathan Xuereb u Francesco Mifsud Bonnici naqqsu d-distakk għal 8 punti 23-31. Id-distakk baqa’ l-istess għal xi ħin qabel ma Matthew Scerri kellhu żewġ trippli konsekuttivi għalkemm Griffen reġa’ wieġeb għall-Athleta. Alec Felice Pace ikkonkluda żewġ fast breaks għal Starlites qabel ma trippla ta’ Jordan Ellul Dowling tal-Athleta għalqet is-sessjoni fuq skor ta’ 47-36.
Fit-tielet sessjoni, Athleta saħansitra waslu sa’ erba’ punti ‘l bogħod 48-52 bil-punti konsekuttivi ta’ Xuereb u Griffen. Trippla minn Attard flimkien ma’ run qasira ta’ 7-2 reġgħat kabbret il-vantaġġ ta’ Starlites 64-51 però Athleta wkoll kellhom it-trippli minn Kenan Coloman għal skor ta’ 61-68 fi tmiem it-tielet taqsima. L-aħħar perjodu fetaħ b’basket ta’ Isaac Xuereb għall-Athleta però minn hemm ‘l quddiem kienu biss Starlites li għamlu l-punti hekk kif huma skurjaw is-seba’ punti li kien għad jonqoshom għar-rebħa u l-partita ntemmet 75-63. Fis-semifinali, Starlites jiltaqgħu kontra Depiro fil-waqt lil Athleta jiffaċċjaw lil Mellieħa.
Gżira Athleta: J. Caruana, F. Mifsud Bonnici 3, N. Buhagiar, K. Coloman 20, L. Stefanovic, J. Ellul Dowling 3, N. Xuereb 14, R. Griffin 21, I. Xuereb 2, S. Vincic, R. Abela, B. Zammit.
Starlites FIJO: A. Felice Pace 13, M. Attard 13, M. Newbern 8, I. Felice Pace 3, M. Fabri 2, L. Riolo, M. Scerri 8, R. Carabott, L. Farrugia, K. Xuereb 5, N. Sultana, D. George 23.
Referees: Daniella Torok, Fiorentina Ciurariu, Nicky Azzopardi.
