Sirjan ta’ 18-il sena jinsab fil-periklu tal-mewt wara li ttajjar minn karozza. L-inċident seħħ ilbieraħ, għal xid-disgħa ta’ filgħaxija fi Triq il-Kbira San Ġużepp, il-Ħamrun.
Mill-ewwel investigazzjonijiet irriżulta li s-Sirjan residenti l-Fgura, intlaqat minn Opel Corsa li kienet qed tinstaq minn raġel ta’ 24 sena residenti l-Imsida.
Il-vittma ngħata l-għajnuna minn tim mediku u wara ttieħed l-Isptar Mater Dei b’ambulanza fejn ġie ċċertifikat li weġġa’ serjament u jinsab fil-periklu tal-mewt.
Il-Maġistrat tal-Għassa Josette Demicoli ġiet infurmata bil-każ u ħatret inkjesta. Il-Pulizija għaddejja bl-investigazzjonijiet fuq il-każ.
