Skrivana ta’ l-iskola San Andrea ħadet azzjoni legali kontra l-ex assistent kap tal-Iskola San Andrea Trevor Templeman biex tipproteġi r-reputazzjoni u l-integrità professjonali tagħha kontra dawk li ddeskriviet bħala “l-allegazzjonijiet totalment foloz” tiegħu dwar frodi finanzjarja serja fl-iskola.
Leanne Spiteri, skrivana f’San Andrea sa minn Lulju 2021, ressqet protest ġudizzjarju kontra Templeman, it-tieni azzjoni legali bħal din li ttieħdet kontra l-eks uffiċjal tal-iskola nhar it-Tlieta, jiem wara li ħareġ fil-pubbliku storja dwar l-irregolaritajiet finanzjarji ta’ aktar minn €4 miljun li hemm fl-iskola.
Dawk l-aħbarijiet wasslu lill-iskola biex tniedi inkjesta indipendenti, filwaqt li l-kap tal-iskola Stefania Bartolo sussegwentement infurmat lill-ġenituri li kienet qed twarrab sabiex tagħti eżempju tajjeb fejn sejħitilha “good governance” u għalhekk ħadet azzjoni legali biex tiddefendi isimha u r-reputazzjoni tagħha.
Fil-protest tagħha Bartolo talbet lil Templeman biex jirtira l-allegazzjonijiet “malafamatorji u mhux veritieri” tiegħu fir-rigward tagħha, u tagħtu 24 siegħa żmien biex jagħmel dan u ddeskriviet l-imġieba tiegħu bħala sempliċiment “vendetta”.
Spiteri minn naħa tagħha stqarret fil-protest li l-email mibgħuta lill-ġenituri minn Templeman fl-14 ta’ Ottubru kellha l-għan li xxerred allegazzjonijiet u insinwazzjonijiet totalment foloz fir-rigward tagħha. L-email, kompluta kienet tinkludu wkoll ‘attachments” u “recordings”, li ntbagħtu lill-ġenituri wara li Templeman irriżenja mill-kariga tiegħu fl-iskola.
Spiteri qalet li kaġun ta’ dak li ħareġ fil-pubbliku fuq il-midja soċjali Templeman kabbar ix-xnigħat foloz, biex kompla jitfa’ dell ikraħ fuqha, u ħammeġ ir-reputazzjoni u l-integrità professjonali tagħha. Trevor Templeman qajjem tħassib dwar ġestjoni ħażina finanzjarja fl-iskola privata ta’ San Andrea. Trevor.
Waqt li enfasizzat l-fatt li ma kinitx “kontrollur finanzjarju” iżda biss “skrivan tal-finanzi”, Spiteri spjegat kif Templeman sostna li hija kienet “qasmet” miegħu fil-preżenza ta’ terzi, informazzjoni dwar l-allegati irregolaritajiet. Huwa kien sostna li l-ex L-amministratur tal-iskola Sandro Galea kien allegatament ingħata €25,000 “biex iżommulu ħalqu magħluq qabel ma rriżenja.”
Irregolaritajiet allegati oħra kienu jikkonċernaw tranżazzjonijiet li saru mill-eks chairperson ta’ San Andrea, Kevin Spiteri għal madwar €200,000 li kienu ġew ikklassifikati bħala “varji”. Barra minn hekk, l-istess uffiċjal kien allegatament talab eżenzjoni mill-miżati tal-iskola fir-rigward taż-żewġt itfal tiegħu. U biex iħammeġ ir-reputazzjoni tagħha aktar, Templeman sostna li hu kienet il-kuġina tal-eks chairperson, qalet Spiteri.
Filwaqt li saħqet li hija ma tiġi xejn minn Kevin Spiteri bl-ebda mod, l-iskrivana tal-finanzi rribattat dik li qal Templeman bħala “mhux vera l-każ”. Templeman, hija qalet, dawwar il-kliem u għamel storja mingħajr ma pproduċi l-ebda evidenza biex isostni l-allegazzjonijiet tiegħu.
Saħqet li l-allegazzjonijiet kienu kemm fattwalment kif ukoll legalment infondati. Kollox ma ‘kollox, Templeman kien konxju sew li l-kontijiet tal-iskola kienu ġew verifikati u li l-ebda diskrepanza ma ġiet indikata, hija qalet. Dan serva wkoll biex juri li r-raġuni vera wara l-allegazzjonijiet tiegħu kienet “xejn ħlief vendetta.”
Spiteri talbet lil Templeman biex jirtira l-allegazzjonijiet fi żmien 24 siegħa u rriservat d-dritt li tieħu aktar azzjoni legali biex tissalvagwardja d-drittijiet tagħha filwaqt li żammet lil Templeman responsabbli għal kwalunkwe ħsara li ġarrbet bħala riżultat tal-allegazzjonijiet foloz tiegħu. L-Avukat Jessica Micallef Tanti ffirmat il-protest ġudizzjarju li ġie ppreżentat fil-Prim’Awla, Qorti Ċivili.
