Żagħżugħa ta’ 25 sena sofriet ġrieħi ħfief u qed tirċievi l-kura fl-isptar Mater Dei wara li ttajret minn karozza fi Triq Santu Wistin, f’Paceville, San Ġiljan.
L-inċident seħħ għall-ħabta tal-11am tas-Sibt.
Il-mara li hija mill-Venezwela ntlaqtet minn karozza tat-tip Toyota misjuqa minn mara ta’ 39 sena residenti s-Swieqi.
L-investigazzjonijiet tal-Pulizija dwar dan l-inċident għadhom għaddejjin.
