Il-Pulizija qed tinvestiga l-wasla f’pajjiżna ta’ 610 pakkett tad-droga – b’piż ta’ kilo kull wieħed – maħsuba li kienet kokaina.
Id-droga kienet ġejja mill-Ekwador, u kienet moħbija f’kaxxi tal-banana.
Din hija t-tieni interċettazzjoni maġġuri ta’ droga mid-Dwana ta’ pajjiżna matul din is-sena. Hu maħsub li din id-droga kellha valur fis-suq li kienet kapaċi tlaħħaq il-€100.6 miljun.
Dwar il-każ infetħet inkjesta immexxija mill-Maġistrat Monica Vella.
