Anzjan ta’ 85 sena residenti Ħal Luqa spicca l-isptar jissielet għal ħajtu wara li ttajjar minn karozza li harbet mill-post.
Dan il-kaz ta’ hit-and-run sehh għall-ħabta tal-5:30am, fi Triq Ċensu Decandia f’Hal Luqa stess.
Fil-post wasal tim mediku li ha lill-anzjan l-Isptar Mater Dei għal aktar kura. Hemmhekk hu ġie ċċertifikat li qed isofri minn ġrieħi serji.
Ftit sigħat wara li seħħ l-inċident, il-Pulizija rnexxilhom jaqbdu lis-sewwieq, Spanjol ta’ 26 sena, li allegatament tajjar lil dan l-anzjan.
Fl-istess inċident, żewġ karozzi li kienu pparkjati, sofrew xi ħsarat wara li l-karozza daħlet fihom.
L-investigazzjonijiet tal-Pulizija u t-tfittxija għall-vettura għadhom għaddejjin … filwaqt li ġiet infurmata l-Maġistrat tal-Għassa Donatella Frendo Dimech li qed tmexxi inkjesta.
